上海站

上海一火车客运站
(从新客站转戳到箇里)

上海站,勒拉上海市静安区秣陵路100号,是上海铁路局管辖下头个中国国铁特等站,京沪铁路、沪昆铁路搭沪宁高速铁路勒上海市个始发终到站。原址勒拉天目东路宝山路口,今上海铁路客技站。1987年,迁至原上海东站站址建成现新站房,告咾上海市民常庄称为“新客站”。目前,上海站搭上海南站上海虹桥站是上海市铁路客运个主要枢纽站。

上海火车站

历史 编辑

站名沿革 编辑

上海站勒历史浪有曾出现歇“多站同名”个情况。即勒拉上海个多条铁路浪向曾拥有名为上海站个火车站,末脚随仔铁路个发展,衹有原沪宁铁路个上海站更名上海北站、上海总站,再度更名上海站并沿用到今朝。而其他同名个上海站,老早就变更为其他站名,譬如上海南站咾啥。

初建 编辑

 
第一代上海站站房
 
1909年竣工个沪宁铁路上海站

1896年,时任两江总督署理南洋大臣张之洞奏请修建经吴淞至江宁府(今南京)个铁路线[1]。先期修建淞沪铁路,勒1897年动工,次年完成。1905年,沪宁铁路开始动工兴建[2]。1906年,上海至无锡段竣工试运行,次年无锡至常州段完成,1908年,沪宁铁路全线通车。迭歇,沪宁铁路上海车站设置勒今朝个恒丰路附近,即今上海站址[3]。由于该站为沪宁铁路全线顶东面隻车站,告咾叫渠东站。但东站迭歇距离租界核心地区仍就相对较远,齐巧淞沪铁路搭沪宁铁路并轨,告咾决意向东延伸,末脚确定勒毗邻公共租界北区个宝山路天目路附近造新站房,即沪宁铁路上海站,因勒拉上海市区北侧,告咾又叫渠上海北站。1913年,宋教仁预备勒迭𡍲乘车北上组建国会,但最后畀刺杀,末脚勒沪宁铁路医院走脱[4]

1909年,沪宁线总管理处填没脱箇𡍲芦苇荡后建成高四层个西式洋房[5]。站房设计采用英籍工程师西排立个设计图纸,造价总计329,440元银元。大楼一层外墙采用花岗岩修建,二层起及以上采用大理石廊柱搭拱形门窗个式样,内设房间76间。勒大楼底层另建6间大型平房,交底层相连,构成候车区域搭邮政、售票个服务性区域。大楼二层及以上嚜,作为沪宁线总管理处个办公用房[6]

北站时期 编辑

 
战时畀炸脱个上海北站

由于沪宁线搭沪杭甬铁路分别建成,并各属弗同个公司管理,而其车站也勒拉上海市区个南北两侧,告咾对于旅客个换乘搭货物运输邪气弗方便。自1911年起,两个铁路局乃末开始筹划并轨方案。1915年3月动土施工,1916年12月正式通车[7]。朝后沪宁铁路上海站也开始增开南向火车。沪宁铁路上海站成为两路总站,并正式更名上海北站。而沪杭铁路上海站嚜,更名为上海南站[8]

1932年,一•二八事變发生,因上海北站勒拉租界以外,并临近闸北战场,告咾遭到破坏,四层楼房毁于战火。1933年5月起,上海北站进行修复,对于底层得到恢复,二层中间部分也得到重建,同时兴建左右候车室、行李房等设施[9]。1937年8月,淞沪会战爆发,上海北站再度沦为战区并遭到日军战机轰炸。8月28号14时,日军出动多架次战机,对上海南站实施轰炸,楼房及附属设施完全畀毁脱,同时炸死炸伤脱旅客几百人,南站铁路运输完全中断[10]。11月12号,随仔上海除租界外全境沦陷,日军开始拆脱上海南站及其附近长约1.5公里铁路。同时修复上海北站,并更名为“上海驿”,朝后起,上海所有旅客运输全部归于上海北站。

1945年,京沪区铁路管理局接管上海北站,并勒次年开始进行车站个修复搭扩建。经迭趟修复,站内站臺延长到360米,拓宽站臺达2787平方米,兴建两座候车室。1947年4月,上海北站升格为上海总站。

 
原上海站站址已改建为客车技术整备站

1950年3月,上海铁路局恢复上海北站名称。同年8月1日,经由铁道部批准,上海北站更名为上海站,并核定为特等车站。1960年,上海铁路地区枢纽方案开始实行,上海站个货运移至东站,成为专营个客运车站。1961年,原货运仓库进行改造,建成1041平方米个候车室搭行李仓库。同时延长货运站臺,改建成旅客月臺,并担货物线改建成客车到发线,形成南北两区,共总11股旅客到发线,候车室达3985平方米,车站到发29对。至1987年,新客站启用前,年运送旅客3900多万人次[11]

新客站时期 编辑

筹建 编辑

上海站虽多趟改建、扩建,终因受地理环境限制,站场搭设备嘸沒办法得到很大改善,难以应付快速增长个客流。告咾1981年3月份,铁道部搭上海市人民政府向国务院提交筹建新站个报告,提出勒上海东站原址个基础设一座2万平方米个主楼、3.7万平方米个广场,日到发能力达72次个新上海站。根据迭隻方案,新建成功个上海站,将配有7座站臺,到发线12股,外加具备商业、市政等多配套个综合车站。同年6月19日,国务院批复该计划,同意新站址搭建设规模,外加其主要建设由上海市人民政府统一领导。

1983年9月8号,上海市府、铁道部因方案产生变化乃末向国家计委提交了名为《关于重新报送上海铁路新客站设计任务书个报告》个新方案,相对原计划,新计划有仔新个修改搭扩充。主要方面有:上海站站厅个容纳人数扩大到1万人,站厅面积扩建到3.3万平方米;疏通上海站周边道路,建造大统路非机动车立交,建造恒丰北路立交桥[12];明确自批准后6个月内动工,1987年前完成一期工程,1988年前完成二期工程;确定工程总投资为26,736万元人民币。

1984年4月11号,国家计委署名个《关于重新审批上海铁路新客站设计任务书和初步设计个复函》。1984年9月20号,新客站工程开工[13]

建造 编辑

 
T706次进入上海站,拍摄时站臺还朆改建,仍为1987年初建辰光样式。

1981年8月,上海市人民政府接获国务院个批文后,即成立上海铁路新客站工程指挥部。1983年10月,市政府调整指挥部成员,由上海铁路局、闸北区人民政府搭建工局总计4人担任指挥部个指挥搭副指挥,并常驻工地。1984年9月,上海市府确定工程指挥部是市政府个派出机构,全面负责车站施工。

1986年,上海市府成立上海铁路新客站工程领导小组,由时任市长个江泽民担任组长,至新客站建成领导小组多趟召集会议并进入工地监督工程进展。而为工程施工个前期动迁工作也勒1984年5月份展开,迭趟动迁采取原拆原还个办法,先担工程施工区域内个民户搭单位共7600多户迁往他处。到1986年6月份,动迁工作基本完成。

勒弗影响上海站日常运营个情况下头,1982年4月1号,上海东站停止办理货运业务,但其他例如列车通过、车底存放、调车、单机通过等业务仍照常办理。1984年9月29号,工程打桩正式开工。到1986年4月24号,工程完成第一阶段施工,主要为南半区个施工。通过箇19个号头个兴建,新客站南部个大厅搭高架站房个土建基本完成。进出上海站个列车改由南半区个高架候车厅下头通过,为北区施工提供空间。1986年4月25号至1987年6月25号,工程进入第二阶段,迭一阶段主要开始北半区个工程,包括拆脱原东站列车线及附属设施,同时兴建北半区个停车线搭机走线,并完成北半区个站厅搭高架候车厅。1987年6月26日开始,工程进入压末个第三阶段。迭一阶段目的是完成南北候车室个合龙交进入内部装修阶段。

而外围个配套设施方面嚜,第二阶段工程结束伊歇,大统路立交建成通车。当年10月1号,恒丰路立交也宣告竣工。另外,新客站南北广场、通道、站内基础设施个安装调试侪勒1987年圣诞节前完工。1987年10月,新客站站内装修提前完成。恒丰路、天目西路个拓宽、恒丰路桥改建以及轨道交通一号线预留站臺搭折返线、邮电大楼侪勒同一时期完工使用。1987年12月27号,新客站第三阶段工程完工。迭歇工程共耗资4.05亿元人民币。[13]

启用 编辑

1987年12月27号夜到,勒拉宝山路个上海站开出压末一班列车后关脱,次日,上海站新站房启用,完成车站功能交接。随后,老北站改建成为上海铁路客车技术整备站,主要用作客车整备。为区别老早个老火车站,新建个上海站一般性叫为“新客站”。

2009年改造 编辑

 
改造前个上海站北广场

2010年,为迎接2010年上海世界博览会个召开,上海站进行大规模整修翻新[14]。到迭歇,上海站仍然是上海市铁路客运个主要综合交通枢纽之一,并有上海轨道交通1号线、3号线搭4号线交汇勒此地。首先进行了高站臺改造;挨下去从2009年6月份起,车站又开始了无柱雨棚个建设,新个无柱雨棚采用目前世界浪应用顶广泛个“三跨一悬挑”形式,横跨7隻站臺,总宽达135.15米,最高达18米,覆盖面积达53145平方米。建成后,整隻无柱雨棚个造型像煞起伏个波浪,美观大气,光亮通透。[15]

迭歇还进行了北广场个扩建工程。改造后北站房向东西两侧各延伸了60米,向北延伸25米,总体呈“一”字形布局;其面积由原先个1000平方米扩大到15560平方米,足足扩大仔15倍。[16]全部工程勒2010年春运前完工。

车站结构 编辑

上海站南广场 编辑

 
上海站南广场

乃朝,上海站南广场集合了公交、出租、轨交为主个公共交通。上海站进站口正前方地下为出租车停靠站。停靠站分为两个部分,以适应自长安路、秣陵路搭梅园路两个方向驶入交驶出个出租车辆[17]。乘客可以从上海站进站口正前方个入口乘坐自动扶梯进入停靠站点。

1995年,上海轨道交通1号线建成通车,上海站成为1号线起讫点站。尽管之后1号线延伸至共富新村站、富锦路站,但上海站因为巨大客流,仍旧承担了大部分列车个起点运输,并且凭籍上海公共交通卡可以勒30分钟内换乘北广场个3、4号线[18]。另外,上海站南广场上也是一排公交线路个起讫点站。外加,勒南广场外侧个天目西路搭大统路附近,设有以上海火车站命名个公交站点,成为途径公交个上下客车站。

上海站北广场 编辑

 
上海站北广场

上海站北广场自建成以后,也是长途客运、出租、轨交、公交等交通换乘地点。2000年12月,上海轨道交通3号线开通,其中途径上海站,并设有上海火车站站个上下客站。其主要进出口设勒北广场,并通过地下过道搭南广场相连。2005年12月,4号线运营后,搭3号线共线运营,其中包括上海火车站站。2005年11月,位于上海站西北侧个上海长途客运总站投入运营。北广场成为客运搭列车主要换乘场所。2009年起,为适应上海世界博览会召开,而导致铁路运输个客流激增。北广场开始进行大规模改造。2010年5月29号,北广场交通枢纽建成启用[19]

站房布局 编辑

 
上海站联合售票大厅

上海站个站厅设计,采用“高架候车,南北开口”个方案。进入车站可以经由南北两个进站口进入,同时进站口以东另专设软席候车入口,直通软席候车室。而下车旅客,可通过地下通道,经由东南、西南、北出口共计三个出口快速出站。此外,80%的候车室勒拉站臺上空。乘客经由南北进站口进入后,通过自动扶梯运送到二层中央走廊。中央走廊左右各分布5间候车室,旅客根据各候车室外电子屏显指示,进入相关候车大厅。左右两侧候车厅外侧再通过左右高架通道搭各月臺相连,缩短旅客上车辰光[13]

 
上海站月臺远景

底层站厅嚜主要以团体候车室、软席候车室、进站大厅为主。2003年,港澳自由行开通后,为加快沪港直通车个运行时间,上海海关勒站厅底层设置进出境口岸,并由专门通道进入联检大厅[20]

另外,为避免购票人群搭进出站人群个对冲,上海站勒主站厅外东南侧,即秣陵路梅园路路口处兴建了联合售票大厅,整座大厅共总设有40余个窗口。长三角动车组开行以后,上海站又增设自动售票大厅于东南出口东侧,以减少联合售票大厅个购票压力。

实名验证处搭安全检查处分设勒南北侧,靠近进站口,旅客勒箇𡍲需要出示车票交购票身份证件以作核验,并担随身行李物品接受安全检查。进入进站大厅后,就好看到显示屏,显示上海站停靠列车个运行情况。

旅客进站完毕后,即可上二楼由进站大厅里侧个通道进入候车室候车。上海站为高架分散候车室,共总设有12个候车室以分担弗同车次列车旅客个候车任务,但有部分候车室勒一楼。

上海站设有两条出站地道,一条行包通道。两条地下通道共设有3隻出口:箇当中,东地下通道个东南口可弗需二次安检,出站验票后可直接换乘轨道交通一号线

站线布置 编辑

 
第一候车室,Z99次列车勒拉检票
 
第四候车室
 
第五候车室
 
第七(重点旅客)候车室
 
第十二候车室
 
检票后个进站天桥
 
西出站地道

上海站的站臺为岛式侧式混合站臺,共设有7座站臺,依据到发线细分为13个站臺,包括2股机走线在内共计15股行车线。而站臺上方为无廊柱式雨棚搭高架候车室。

上海站结构如下图:

地上

二楼

二层候车室 5号至12号候车室

人行通道、商店

地上

一楼

联外区域 自助售票处、进站口、1号至4号候车室、

中国海关、中国边检、
公交车站

侧式站臺
1站臺 到发线
2站臺 到发线
岛式站臺
3站臺 到发线
机走线
4站臺 到发线
岛式站臺
5站臺 到发线
6站臺 到发线
岛式站臺
7站臺 到发线
8站臺 到发线
岛式站臺
9站臺 到发线
机走线
10站臺 到发线
岛式站臺
11站臺 到发线
12站臺 到发线
岛式站臺
13站臺 到发线
三号线江杨北路站、四号线内圈方向
岛式站臺
三号线上海南站站、四号线外圈方向
地下二层
一号线富锦路站方向
一号线岛式站臺
一号线莘庄站方向

配套交通 编辑

 
设勒上海站东南出口个上海轨道交通1号线上海火车站快捷进站口,乘客经过铁路出站闸机后甮再次安检,可直接购买地铁车票并进站

上海站地区可以换乘差头、公交、轨交、公路客运等多种交通工具往来市区、郊区搭上海埠外。目前,上海站个配套交通设施主要以南北两隻广场为中心分布。南广场通上海轨道交通1号线上海火车站站,北广场通3号线搭4号线上海火车站站。

地铁 编辑

  • 主条目:上海火车站站

上海火车站站(Shanghai Railway Station Station)勒拉上海闸北区上海火车站南广场地底及北广场地面,为上海轨道交通1号线个地下島式車站及3号线、4号线地面島式車站。其中一号线车站由上海市隧道设计院设计[21]。3号线、4号线车站以及路轨平行于京沪铁路。

公交线路 编辑

站名 线路
上海火车站(北广场,始发) 106、115、117、305、306、310、817、823、912、942、962、新川专线
上海火车站(南广场,始发) 64、104、109、113、234、301、302、308、315、322、324、328、329、802、837、844、927、930、941、隧道三线、隧道夜宵线、机场五线、申川专线
上海火车站(中兴路) 78、140、963
上海火车站(天目中路) 13、58、63、319、329、332、502、510、948
上海火车站(恒丰路) 41、58、185、234、332、510、741、844、845、955、南新专线、申方专线、新嘉专线
上海火车站(梅园路共和路) 502、沪唐专线
上海火车站(民立路) 510
上海火车站(民立路共和路) 768
上海火车站(秣陵路) 沪唐专线

艺术作品 编辑

上海站作为上海个铁路枢纽门户之一,常庄出现勒各种交上海有关个各类艺术作品裏向。茅盾个作品《子夜》搭王安忆个作品《本次列车终点站》等侪有对于上海站个描写。[22] 除此之外,电视剧《孽债》搭《老房有喜》等影视作品曾勒上海站取景。[23][24]

参见 编辑

  • 上海铁路枢纽站:上海西站、上海南站上海虹桥站
  • 京沪铁路(沪宁段)、沪昆铁路(沪杭段)、沪宁高速铁路

参考文献 编辑

  1. 淞沪铁路拆而又建 (zh). 2008-03-30 (2011-05-15).
  2. 百年时速:回顾1908年-2008年沪宁铁路通车百年 (zh). 2008-03-30 (2011-05-15). 原始文档勒2008-10-10存档. 访问日脚2016-10-07.
  3. (中文)薛理勇等.上海掌故辞典.上海辞书出版社 1999: 94. 
  4. 宋教仁北站喋血:革命党人宋教仁被刺案 (zh) (2011-05-15).
  5. Archive copy (zh). 2007-07-09 (2011-05-15). 原始文档勒2014-12-20存档. 访问日脚2021-05-10.
  6. 上海铁路志>>第七篇卫生、房地产、生活服务>>第二章房地产>>第一节房屋建筑 (zh) (2011-05-15). 原始文档勒2014-12-20存档. 访问日脚2016-10-07.
  7. 上海火车站前世今生 (zh). 2008-02-29 (2011-05-15).
  8. (中文)薛理勇等.上海掌故辞典.上海辞书出版社 1999: 95. 
  9. 抵达老北站(附图) (zh). 2008-03-31 (2011-05-15). 原始文档勒2012-03-26存档. 访问日脚2016-10-07.
  10. 《上海南站日军空袭下的儿童》背后的故事 (zh) (2011-05-15).[链接坏脱]
  11. 上海铁路志>>第一篇铁路建设>>第七章主要车站>>第一节上海北站] (zh). 上海地方志办公室 (2011-05-15). 原始文档勒2016-04-27存档. 访问日脚2016-10-07.
  12. 上海恒丰北路立交桥的设计与施工 (zh). 1987-04 (2011-06-11). 原始文档勒2020-12-10存档. 访问日脚2016-10-07.
  13. 13.0 13.1 13.2 上海铁路志>>第一篇铁路建设>>第七章主要车站>>第二节上海新客站 (zh) (2011-05-15). 原始文档勒2016-03-05存档. 访问日脚2016-10-07.
  14. 组图:铁路上海站改造进入尾声 (zh). 2010-01-06 (2011-05-15).
  15. "上海站雨棚改造明春竣工". 腾讯网. 2009-11-17. 
  16. "上海站站区改造进入冲刺阶段 无柱雨棚给春运一个"亮堂"". 新民网. 2010-01-15. Archived from the original on 2016-03-08. Retrieved 2016-10-07. 
  17. 上海站南广场开挖地下通道 (zh). 2001-03-11 (2011-05-15).
  18. 3站点将持交通卡出站换乘 出站换乘间隔暂定30分钟 (zh). 2008-05-22 (2011-05-15). 原始文档勒2014-10-24存档. 访问日脚2016-10-07.
  19. 上海站北广场实现“零换乘”综合交通枢纽主体工程竣工 (zh). 2010-05-30 (2011-05-15). 原始文档勒2014-03-01存档. 访问日脚2016-10-07.
  20. 上海海关为沪港列车专设临时口岸 (zh). 2003-09-27 (2011-05-15).
  21. 《上海市政工程志》>>第六篇 地下铁道>>第二章 一号线前期工作>>第三节 设计. 原始文档勒2011-08-27存档. 访问日脚2016-10-07.
  22. 第31节:本次列车终点(王安忆)(1) (zh) (2011-05-15).
  23. 《孽债》 (zh) (2011-05-15).
  24. 《老房有喜》第一集 (zh) (2011-05-17).

外部链接 编辑