南京市
南京，简称宁，别称金陵、建业、建康、江宁，勒到长江下游沿岸，乃歇是江苏省个省会。南京是“六朝古都，十朝都会”，中國四大古都之一，有交关丰富个历史遗存搭仔自然景观。
历史
编辑六朝古都
编辑三国辰光孙权定都来勒此地，名曰“建业”，还来勒周边造仔石头城咾啥个要塞。到了西晋末年，北方有五胡乱华，大量门阀逃跑来到南方，拿南京当做首都，先后建立了東吳，東晉，南朝宋，齊，梁，陳六个联系个政权。南京迭个辰光邪气发达，城市人口有好几十万。六朝存在个辰光奠定了南京后头文化个底蕴。从此之后，南京也被人家称为六朝古都。
南朝后期佛教邪气发达，号称“南朝四百八十寺”，南梁侯景之乱一把火侪烧脱了。隋朝辰光踏平建康，改名“蒋州”。
隋唐宋
编辑箇辰光南京发展比较缓慢，成为诗人怀古个所在，著名个李白、杜甫、杜牧侪以南京为题材，写过著名诗篇。
南京后来个发达搭五代十国关系交关大。南唐建立之后，又选南京做了伊拉个首都，从此南京以秦淮河城南地区为核心发展，成为明朝南京城个基础。到宋朝辰光，南京成为中等规模个城市，虽然地位搭后起个杭州还有苏州、绍兴弗好相比，但依然具有重要地位。江南东路个首府就摆勒南京。后头个赵构来勒往南逃跑辰光，也曾经拿南京当过行都。
帝国京城
编辑蒙古人统治后期，南京被淮西个朱元璋占领，朱元璋来勒争夺统治权个斗争当中获胜，南京也成为帝国个首都。朱元璋为了标榜伊自家个正统性，来勒南京大兴土木，先后修造了南京明城墙，南京故宫,朝天宫，瞻园等景观。北京个紫禁城，就是拿南京故宫当做模板个。伊死脱之后，就葬到紫金山高头个明孝陵.明帝国来勒南京修造交关建筑物，虽然后头拿首都迁移到北京｜北平，但南京作为留都，还是拥有老高个地位，六部侪复制过来，国子监也保持原样。让南京个秦淮河成为才子佳人荟萃个场化。到明朝中后期，南京进一步发达，邪气多个才子佳人侪来勒此地流连忘返，著名个柳如是、董小宛、李香君等，侪留下千古传诵个爱情故事。
东南重镇
编辑到了清朝辰光，南京成为帝国统治江南个重镇。也是两江总督、江宁将军个驻地。老早明故宫个区域被划分成满城，来勒现今长江路区域修造江宁织造署。南京保持了伊东南第一大城市个地位。清朝皇帝拿此地专门设置一些官职，比如江宁布政使，江宁将军等，让南京主要负责管辖江淮地区个各项事务。搭吴越地区各江苏巡抚等分开来，南京具有特殊个地位。来勒迭个辰光，南京也保持江南文化中心个地位，邪气多个退休官员搭文人，侪选择南京作为自家个养老基地。比方讲：袁枚就来勒南京修造随园养老。一些文人也来到南京，吴敬梓就是来勒南京写出儒林外史个。迭部小说也对南京个辰光个市井生活有充分描写。1842年，来勒南京签署个南京条约，让帝国进入近代史阶段。 到1850年代，南京被广西发端个太平天国占据，城市经历浩劫，一直到1864年才由湘军收复。之后南京开始缓慢近代化。
国民政府首都
编辑1911年年底，帝国爆发辛亥革命，南京被革命派选了当做首都。1912年元旦，孙中山来勒南京老早个两江总督衙门宣誓就职，成为中华民国第一任大总统。临时政府来勒南京运作三个多月头，颁布了交关新式法令。奥1912年6月，北洋派正式拿首都搬回北京哉。南京由黄兴担任留守，弗过黄兴没有军队，没过多少辰光辞职回湖南，南京来勒二次革命当中被北洋占领，一直到1926年国民党发动北伐战争之后，蒋介石准备搭汪精卫对立，才重新选择南京作为伊自家政权个首都。从此开始南京个黄金十年.
为了标榜自家个正统性，淡化革命夺权个色彩，蒋介石对南京个规划相当重视，请来顶级设计师规划城市，新开马路，种植梧桐树。又修造了交关带有传统风格个建筑物。
南京是中国个主要旅游城市之一。也是中国个重要文化教育中心。人称「六朝古都」，「六朝」是孙吴、东晋、刘宋、齊、梁、陳。十朝都会个「十朝」是「六朝」外加南唐、明、太平天国，中华民国。
地理条件
编辑南京自古虎踞龙蟠，是王气之地，山河交关险固。因为居勒勒长江口浪，箇咾拨叫作「龙头」。要是定都南京，北可据长江天险，控制中原腹地，交关接近上海，乃歇江浙人才济济，文化发达；也交关接近鱼米之乡湖广，俊彦辈出。
南京属于典型个江南丘陵地貌。来勒城区周围就有交关小山。市区当中，丘陵个面积有4255.07平方千米、江河个面积有752.06平方千米。平原来勒南京所占个比例小于百分之四十，来勒江南地区算比较低个。长江从西南方向流入南京，来勒燕子矶掉转方向，向东南流到镇江。南京有名个秦淮河从南面长江。[1]
南京个老城地理位置邪气灵光，除脱西面，其他三面侪被钟山环绕。钟山是东西走向，也是宁镇山脉个西段，从东往西有栖霞山、南象山搭幕府山。钟山个核心是太平门往东个紫金山。钟山南支有汤山、方山、牛首山。[1]:35-45
文化特点
编辑南京文化是下江文化个核心，有明显个南北交融特点，建筑高头受到徽派搭苏派个影响，园林是典型个江南风格。饮食高头则有自家个淮扬特色。南京个底层文化是江南文化，弗过历朝历代个定都带过来交关外来文化特色。有些文化又通过南京影响到其他地方。比方讲北京烤鸭，就是从明朝辰光南京人北迁带过去个。
气候特色
编辑四时分明，降雨充沛，偎依长江，水源充足。夏冬长，春秋短，是南京气候明显特征。
交通
编辑参考
编辑外部链接
编辑
- 南京市人民政府网站（简体中文）