打开主菜单

维基百科 β

朱由校

(从明思宗转戳到箇里)
明熹宗像

朱由校(1605-1627)是明朝在末第二个皇帝。渠是明光宗个大儿子,也是明神宗朱翊钧个皇太孙[1]。万历四十八年七月,渠场爹爹(da-da)明神宗驾崩,八月,渠场爷朱常洛即位,弗过一只月后,就因为春药吃来忒多咾死脱。之后,朱由校在移宫案里向,隑著东林党刘一燝周嘉谟杨涟左光斗之类东林党大臣个牌头上位。第二年,担年号改成功著天启。朱由校统治阶段,对政治问题无何兴趣,碰著何事干统听自家奶婶婶客氏搭老奴魏忠贤个。之后,魏忠贤搭东林党爆发著矛盾,朱由校支持魏忠贤,担东林党做脱。同时,担东林党个据点苏南地区统统端脱,激发著江南士大夫邪气剧烈个弗满,因此,朱由校畀渠场当成功昏君

死脱编辑

天启七年(1627年)八月,朱由校搭客氏、魏忠贤一淘,到西苑薄相。在桥北浅水处大船丄吃老酒。貤搭王体乾、魏忠贤,喊两个亲信宦官陪同,到深水区域趁船荡漾。结果,大风一来,船翻脱,伤风、发寒热。貤吃太医仙丹,开始得水肿病,无几许辰光,便死脱哉。

爱好编辑

朱由校欢喜做木工,水平比交关工匠还要高。渠平常弗大上朝,就欢喜一家头在紫禁城后宫做木匠生活。真真搭路易十六一色哉。

参考文献编辑

  1. 《明史 》:讳由校,光宗长子也。母选侍王氏。万历三十三年十一月,德陵神宗以元孙生,诏告天下。