朱由检

朱由检(1611-1644)是明朝阿末一个皇帝。渠是明光宗第五个儿子,也是明熹宗朱由校个异母阿弟[1]。在渠场阿哥死脱之后当上明朝个皇帝,年号崇祯。初期担魏忠贤做脱,扶持东林党重新上台,畀江南文人吹捧成明君。但之后,自家性格毛躁、疑神疑鬼个毛病,慢慢然暴露出来哉。对待流寇搭后金个两面夹击,也无何好办法,逐渐陷入内外交困,末脚在崇祯十七年李自成进入北京个辰光,在煤山上吊。明帝国个全国统治也到此终结。

崇禎皇帝像

性格编辑

朱由检性格邪气多疑,渠当皇帝辰光,常年担内阁首辅个职位调人。前后共总有三四十个阁老,交关全畀渠杀脱。对军事将领,渠个脾气便越加大,上来无几年,就杀袁崇焕,后首来,貤逼煞孙传庭,搭臣子个对立,让崇祯自家更孤家寡人,反过来让渠更加嫌鄙大臣。死脱之前绝笔还写【朕自登基十七年,虽朕薄德匪躬,上干天怒,然皆诸臣误朕,致逆贼直逼京师。】

参考文献编辑

  1. 《明史 卷二十三 本纪第二十三》:庄烈愍皇帝,讳由检,光宗第五子也,万历三十八年十二月生。母贤妃刘氏,早薨。天启二年,封信王。