东晋
东晋，中國朝代（317年4月6日－420年7月10日），乃西晉司馬氏政權个延續。因内迁个北方游牧民族造反，建都洛陽个晉朝（西晉）亡國，琅琊王司馬睿在群臣擁戴下在建康（今南京）即位，即晉元帝，史稱東晉。東晉與之前个孫吳以及其後个宋、齊、梁、陳，合稱爲六朝。此外，史书中又仿东汉称中汉，称东晋为中晋，寓以晋室中兴之意；又东晋统治地区大部分在江东，古称江左，因此以江左代指东晋。
当时北方多個游牧民族建立个政权连年征战，史称五胡十六国时期。
東晉雖然是司馬氏政權个延續，但本身司馬氏在政治丄威望弗高，整個朝廷儕由世族大家把持，頂先頭一個乃出身琅琊王氏个王導，其後又有得陳郡謝氏个謝安、謝玄咾啥。而世家大族中，代表者，有得南下个王、謝、袁、蕭等僑姓，搭本身居於江南个朱、張、顧、陸个吳姓。最初東晉有賴權臣王導主持大局，一方面拉攏江南士族，一方面又安排予從中原南下个士族，並以司馬家族作爲共同擁戴个對象。
但世家大族本身並弗真正忠於司馬氏，尤其是佢拉本身儕擁有大量田地，以至擁有自家部隊（即所謂「部曲」），有足夠實力抗衡司馬氏政權。最初有王導主持大局，東晉政權得以穩定，故時人稱「王與馬，共天下」。但晉元帝以降則內亂頻生，如有早期王敦之亂、蘇峻之亂，後期又有孫盧之亂等。
东晋也曾多次试图北伐，但由於内部弗团结，除了最后篡晋个刘裕取得一定成果外，其余儕无建树。祖逖本有希望恢复旧土，但佢畀司马睿挾制，郁郁而终。桓温个北伐嚜畀慕容垂击败。
376年，前秦苻坚滅脫代國，統一仔北方，南北分立之势从此而成。其後苻坚開始率兵南侵；383年，苻坚率數十萬兵馬大幅南侵，东晋宰相谢安力主抗击，派谢石谢玄率军，在淝水之战大获全胜，符堅逃回北方。之後符堅力量衰弱，乃末原本統一个北方再次分裂爲多國。后有桓玄叛乱，废安帝，自立为天子，後为大将刘裕所平，拥恭帝，然大权落裕。
420年，刘裕篡位建立南朝宋開啟南北朝時代，東晉亡。