无论是地理上还是文化上,比利时侪处拉欧洲个十字路口,拉过去个2000年内,伊见证了各种种族搭文化个兴盛托衰败。也正因为箇样,比利时是欧洲真正个种族熔炉,凯尔特人罗马人德意志人法国人荷兰人西班牙人奥地利人侪拉此地留下了文化个痕迹。

史前时代 编辑

 
拉比利时考古挖掘到个史前石器

拉比利时地区曾经发现过公元前1750石器时代个活动遗址,例如最初使用个钱币;而此人种也是广义日耳曼民族个一支,罗马共和国个军事家凯撒拉伊个著作《高卢战记》中,就曾经叙述该地个原住民个生活状况。

早期历史(1830年前) 编辑

罗马帝国时期 编辑

主文章:比利时高卢

前54年,本地区被罗马共和国将军凯撒征服,当时主要由凯尔特人居住。公元1世纪罗马人建立高卢比利时行省,迭个省个疆域涵盖了当今比利时、荷兰、卢森堡搭仔德国西部、法国东北部一部分。行政中心拉兰斯

黑暗时期 编辑

主文章:佛兰德伯国

公元5世纪罗马帝国崩溃后,日耳曼人大举入侵,其中个一支法兰克人随后建立了墨洛温王朝,伊个领土包括了乃朝个比利时。墨洛温王朝之后由卡洛林王朝取代。拉今比利时地区,形成了佛兰德伯国

中世纪 编辑

公元843年,卡洛林王朝查理曼个孙辈们签署了《凡尔登条约》,奈统一帝国瓜分为东、中搭西三个部分。佛兰德伯国斯海尔德河以西部分归属西法兰克,以东部分归属东法兰克。箇也是当今比利时法语区比利时荷语区分别个由来。

1405年,佛兰德领地女继承人玛格丽特三世勃艮第公爵菲利普二世结婚,佛兰德就并入了勃艮第公国。到1433年个辰光,比利时搭仔卢森堡、大部分荷兰地区是勃艮第公国个一部分,后来因勃艮第女公爵玛丽嫁畀马克西米利安一世,箇一地区从而变成奥地利哈布斯堡王朝个领土。以后又因哈布斯堡王朝个联姻托分家,箇一地区又被西班牙哈布斯堡王朝统治。但拉西班牙王位继承战争后,奥地利取得了比利时。

法据时期 编辑

1789-1790年间个比利时革命托1789年个法国大革命拉辰光上交叠,该运动寻求从奥地利获得独立。拉Jean-André van der Mersch个指挥下,Brabant起义军击败了奥地利军队,尼德兰地区宣布独立,并成立比利时合众国。但马上拉该年又被奥地利人重新领有。1794到1795年间南尼德兰遭到法兰西第一共和国进攻托占领,托此同时结束了哈布斯堡个统治,伊拉被切割成九个行政区成为法国个一部分,拉1797年奥地利正式签署条约奈该地割让畀法国。

1797年一件具有重要意义个事件爆发:鲁汶大学遭到关闭,拉法国最初个几年统治下来,比利时地区经济完全受到剥削,连安特卫普箇个港口侪被禁止对外贸易,人民只被允许购买法国个高昂商品,居高弗下个税率,让市场只信赖黄金白银,能用个货币只有金、银币,民弗聊生。箇段期间约有八十万比利时人出走。[1]拉法据时期荷兰语弗许公开使用,种下了今朝荷语区搭法语区弗合个前因,[2][3]拉当时个格言“一个国家,一种语言!”个影响下,法国拉公共场合中唯一接受法语,弗论是经济、政治抑或社会事务上,[4]箇项措施导致当时被强迫征召来个比利时籍士兵个弗满,也弗难想像拉箇样基础上个军队,后头会遭受战败个命运,[5]此举也被视作为后来反法联盟战争胜利个开端[6]。 1814年拿破仑一世被迫拉反法联盟个力量而退位,法国对比利时个统治也马上束,但拉隔年拿破仑试图返回法国重掌政权,拿破仑晓得伊仅有一次反败为胜个机会,伊必须拉比利时地区搭联盟一决高下,同年六月十六号伊率领军队穿越比利时地区。

 
纪念当时所遗留下个铜像

拉同年拿破仑个最后一战拉比利时开打,伊遭遇到普鲁士英国个军队围攻,拉六月十八号拿破仑终于拉比利时个滑铁卢被击败,拿破仑可以讲是败拉自家个策略搭仔部属弗能功来救援,次日早晨最后个战斗也结束,拿破仑受到再次流放个命运。当时荷兰国王威廉一世个奥伦治王子拉战场有功,箇位王子也就是后来个威廉二世,拉1826年年轻个威廉率领个荷兰军再次拉滑铁卢打了胜战,而击败了比利时个军队。

荷据时期 编辑

1815年拉滑铁卢战役个辰光,主要个参与国有英国、普鲁士搭仔俄国,箇几个国家拉战后拉维也纳召开和会,也就是著名个维也纳会议,会中确立奥属尼德兰搭尼德兰共和国共组为荷兰联合王国,此举主要是怕奥属尼德兰留拉法国会增加法国个国力,伊拉决定拥戴一位信奉新教个国王,也就是时任奥伦治亲王个威廉一世

独立 编辑

1831年,比利时爆发比利时独立运动,从荷兰统治下独立,成为世袭君主立宪制王国,并选择了一位德国贵族萨克森-科堡-哥达公国个王子利奥波德作为比利时个第一任国王。

比利时立国后奉行中立政策,但拉两次世界大战中侪被德国占领。

殖民主义时代 编辑

比利时历史上有一个主要个殖民地比属刚果,就是乃朝个刚果民主共和国。比属刚果拉1885年由柏林会议赠畀当时个比利时国王利奥波德二世。利奥波德奈此地命名为刚果自由邦,并收为自家个私人领地,进行残酷个统治,同时大量种植橡胶,以满足当时世界对橡胶轮胎个需求。

拉国际舆论个压力下,利奥波德拉1908年放弃了对刚果个私人统治,拿刚果交畀比利时政府。后来比属刚果拉1960年独立。

1902年比利时拉中国天津获得一块租界[7],1929年声明退还中国,1931年正式举行仪式退还中国。

第一次世界大战 编辑

1914年第一次世界大战,8月3号德国对法宣战,同时占领宣布中立个比利时,由此来进攻法国。8月4号英国因德国对比利时宣战,随即向德国宣战。

第二次世界大战 编辑

第二次世界大战战前,比利时试图寻找保持弗结盟个中立政策。但是拉1940年5月10号,德军入侵比利时,由此进攻法国。

拉1940年比利时被打败后,众多比利时战士和平民设法躲避到英国,外加加入了流亡比利时政府。

第二次世界大战以后,比利时放弃中立原则,参加了北约。后来又参加了欧洲经济共同体

战后比利时 编辑

拉过去个半个世纪中比利时作为一个现代化、高科技个欧洲国家而兴盛,伊同时也是北约欧盟个成员国。但是北部讲荷兰语个弗拉芒人搭南部讲法语个瓦隆人之间长期个紧张关系,最终导致了近些年来个宪法修正案,赋畀比利时南北两半正式个自治权,因此比利时乃朝是一个联邦国家。

2007年6月10号,举行联邦议会选举。[8]

现代 编辑

2010年比利时议会选举结果显示,分裂派政党“新联盟党”(N-VA)拉弗拉芒处拉领先地位。而该政党终极目的是托南部个法语区彻底决裂。而荷兰语党派托法语党派对于组建联合政府无法调节,而导致2010年到2011年比利时陷入了长期个无政府状态

参考文献 编辑

  1. (英语) Alexander Ganse. Belgium under French Administration, 1795-1799. Korean Minjok Leadership Academy. 访问日脚2008-04-03.
  2. (法文) Jacques Leclerc (associated member of the Trésor de la langue française au Québec) (2008-11-09). Petite histoire de la Belgique et ses conséquences linguistiques. L'aménagement linguistique dans le monde. Université Laval. 原始文档勒2009-01-18存档. 访问日脚2009-01-16.
  3. Template:Nl Daniel Suy (1997). De Franse overheersing (1792 - 1794 - 1815). De geschiedenis van Brussel. Flemish Community Commission (VGC). 原始文档勒2008年10月12号存档. 访问日脚2009-01-17.
  4. Template:Nl Broeksele. Bruisend Brussel. University College London (UCL) (2006). 原始文档勒2011-07-24存档. 访问日脚2009-01-16.
  5. (法文) Jacques Leclerc (associated member of the Trésor de la langue française au Québec). Belgique - België - Belgien. Université Laval. 原始文档勒2007-06-08存档. 访问日脚2008-04-02.
  6. (英语) Alexander Ganse. The Flemish Peasants War of 1798. Korean Minjok Leadership Academy. 访问日脚2008-04-02.
  7. 《中外旧约章汇编》第2册,第34页
  8. 吴黎明,比利时举行大选,新华网