氧化物

氧化物是−2价个氧搭另一个元素形成个化合物，例如氧化镁（MgO）、氧化铝（Al₂O₃）、二氧化碳（CO₂）等等。

氧化物一般弗导电。除脱碱金属外，金属氧化物一般难溶于水，非金属氧化物则发生水解邪气便当。

好同碱发生反应生成盐搭水个氧化物叫酸性氧化物；好同酸发生反应生成盐搭水个氧化物叫碱性氧化物；弗管是酸还是碱侪好发生反应生成盐搭水个氧化物叫两性氧化物。非金属氧化物一般是酸性氧化物，金属氧化物一般是碱性氧化物，也有少数例外，譬如高价氧化物七氧化二锰（Mn₂O₇）、三氧化铬（CrO₃）。