第二趟鸦片战争(英文：Second Opium War，法文：Seconde guerre de l'opium），是1856年到1860年当中，大英帝国搭法兰西第二帝国为惩罚满清帝国开展个军事远征行动，迭场战争个起因是英国认为自家立在满清帝国个贸易特权朆得到扩张，要求修改条约辰光畀清政府拒绝导致个。战争个结果是清朝完败，广州落入联军控制；圆明园畀烧脱；八里桥惨败搭咸丰帝病死热河。根据战后签订个《北京条约》，清朝门户洞开，洋人有权立在北京开设使馆。同时，也刺激交关南方官僚认识到洋人个老卵，开始引发洋务运动。
