长青公园
箇篇文章讲个是上海个长青公园，也可以是有关其他地方个长青公园，请参看“长青公园（分清爽）”。长青公园勒拉上海浦东新区长清路11号，占地1.92公顷，西面是长清路，南面是昌里路[1]。
箇埭本生是川沙县杨思乡大道村，1981年，上海市基本建设委员会决定勒拉箇片地方个工人新村附近新造座公园，上海市园林设计院章怡维进行总体规划搭仔绿化设计，嘉定县园林管理所搭仔江苏省溧阳县建筑工程公司别桥分公司一道施工。1983年7月份，农民动迁脱以后开始施工，1985年10月1号造好，箇個辰光伊已经畀市里向划畀南市区哉。[2]
公园当中有座喷水池，池当中有母子大象石雕。园里向北面搭仔儿童乐园里向分别有一座骆驼石雕搭仔母子猴石雕。水池东南面造仔座半圆形茶室，浮拉水面上。园东南角造有3座蘑菇亭。公园门口种拉香樟木。公园当中铺有4块大草坪，面积0.58公顷，里向种拉雪松、罗汉杉、广玉兰咾啥个花咯树咯啥个。全园开仔19隻花树坛，种仔52种植物，除脱树搭仔灌木,还有藤本个紫藤、爬山虎咾啥个爬藤植物。园北面还开仔家儿童乐园。[3]
2016年开始，长青公园延长开放辰光，夏令辰光，每年5月1号到10月31号，每天5:00-21:00向游客开放。[4]