川沙县

川沙县（1911年－1992年）是中国上海市个一个已撤销个县，境域呈三角形由吴淞口向东南展开，南面搭南汇县、上海县接壤，西面搭南市区、黄浦区、杨浦区毗邻，西北搭宝山区隔黄浦江相望。1992年中国政府做出“浦东开发开放”个决策，撤销川沙县，成立浦东新区。

清嘉庆十年（1805年），两江总督陈大文奏准割上海县高昌乡十五个图，南汇县长人下乡十个图搭仔下沙盐场八、九两团，设置川沙抚民厅，隶属松江府。嘉庆十五年（1810年），川沙抚民厅正式成立，由松江知府唐仲冕兼署抚民同知，厅署设于川沙城东南角，是为川沙设治开始。宣统三年九月十七日（1911年11月7号），改川沙抚民厅为川沙县，置川沙县公署，仍隶松江府。

1958年，改属上海市管辖。1961年1月25号，喫进本来浦东县个农村地区。1984年，塘桥、陆家嘴、洋泾一带划畀黄浦区，周家渡到杨思等沿江地区划畀南市区。

川沙县撤销个辰光亨八冷打有2隻县属镇，1隻乡级镇搭仔26隻乡，分别是：城厢镇、高桥镇、北蔡镇、施湾乡、六团乡、江镇乡、蔡路乡、合庆乡、城镇乡、黄楼乡、孙桥乡、唐镇乡、王港乡、龚路乡、顾路乡、杨园乡、张桥乡、金桥乡、东沟乡、高桥乡、高东乡、高南乡、凌桥乡、张江乡、花木乡、洋泾乡、严桥乡、六里乡、杨思乡。