阳明学
阳明学（吴语：yāng-mīng-ghôk，日文：陽明学／ようめいがく）是由明朝儒家学者王守仁（号「陽明子」，人称王陽明）发展个儒家理学。阳明学继承宋代陆九渊强调「心即是理」，即最高个道理不需外求，而从自己内心得到。
阳明学个姚江学派也传到日本，影响爻倒幕运动、明治维新等重大事件，因此来当时也是日本現代化个主流思想之一；同时，阳明学也對日本武士道个發展邪其有影響。
思想 编辑
「心即理」 编辑
王守仁反对程颐朱熹通过事事物物追求「至理」个「格物致知」方法，因為事理无穷无尽，格之則未免烦累，故提倡从自家內心当中去寻「理」，認為「理」全在人「心」，「理」化生宇宙天地万物，人秉承秀气，故人心本来就秉其精要。
「知行合一」 编辑
王守仁认为既然晓得昰隻道理，就要去实行昰隻道理。假使讲只是自己晓得昰隻道理，但是弗去做，个麽就弗好称为真正个晓得，真正个知识离弗开实践。
「唯求其是」 编辑
「君子之學，唯求其是」也是阳明学一大特点，「求是」来今朝也邪其重要。
「士农工商」 编辑
王守仁认为士、农、工、商「其歸要在於有益於生人之道，則一而已」，进一步说明「古者四民異業而同道，其盡心焉一也」个观点，认为士农工商全来畀众生做善布施，没高低之分。
「致良知」 编辑
四句教里向提及：「無善無惡心之體，有善有惡意之動，知善知惡是良知，為善去惡是格物。」昰句闲话体现了阳明学跟佛教思想个关联性：人之所以行恶，跟自家个意念有关联；要成为有良知的人，知晓善恶、祛恶扬善是关键，对应佛教个觉（Bodhi）、善心所、不善心所、波罗蜜等概念。
著作 编辑
- 《傳習錄》