陈子龙
陈子龙（1608年－1647年），字卧子，号轶符，晚号大樽，明帝国南直隶松江府华亭县成长个吴越人。明末清初有名个江浙文人。
生平
编辑伊年轻辰光因为会写文章，会写诗出名，并且经常到苏州、南京等地白相，交流，也因此获得文学圈子当中个名声。1637年，陈子龙中科举，到广东当推官，后来回到南京。南明弘光朝廷建立之后，伊曾经短暂担任职务，但后首来发觉弘光朝廷无啥希望，就回到松江。清帝国征服太湖平原之后，陈子龙通过多种方法，想反抗清帝国，还出家逃避搜捕，弗过，最后还是畀捉牢，杀脱。陈子龙诗文能力好，主要模仿福建人黄道周。同江南个钱谦益、吴梅村齐名。弟子当中，顶有名个是夏完淳。
同柳如是个桃色关系
编辑根据有名个近代历史学家陈寅恪考证，陈子龙搭江南名妓柳如是有段辰光同居。但因为陈个老婆张氏弗肯伊纳妾，柳只好离开，后首来成为钱谦益个小妾。