七年战争
七年战争(西文：Guerra de los Siete Años）是十八世纪当中阶段，在欧洲各大势力里向展开个大型战争。具体辰光是从1754年开始，到1763年完结。之所以有七年战争昰只称呼，是因为各国正式参加战争是在1767年，所以得名。昰场战争个参战方包括所有18世纪个欧洲列强，包括英国、法兰西王国、奥地利哈布斯堡家族控制个神圣罗马帝国、俄罗斯帝国、西班牙王国、瑞典王国、荷兰共和国、葡萄牙王国以及新兴个普鲁士王国。昰只战争也是第一趟担战场拓展著欧洲之外个场许。所以，也畀丘吉尔䜒作第一趟世界大战。
七年战争个爆发因素有交关。其中，英国搭法兰西王国为北美洲殖民地引发个冲突从1754年便开始爻。英国在居段辰光当中，在北美河流拦截，捉牢著交关法兰西王国个商船，让法国对英国邪气弗满。同时，在中欧地区，新兴个普鲁士王国立在雄主腓特烈二世个统治下头，立在之前个奥地利王位继承战争当中从奥地利哈布斯堡家族手当中担西里西亚抢来跑，引发著特蕾莎女王对普鲁士个仇恨。居两个因素，让本生在近古长期敌对个波旁家族搭哈布斯堡家族史无前例走到一路，结成同盟；让新教国家英国搭普鲁士也一淘结盟，造成欧洲权力游戏个盟友转换。
普鲁士判定搭奥地利个战争是无办法避免个，盖咾决定先发制人，1756年首先进攻哈布斯堡个盟友萨克森选后侯国并占领。奥地利豪慅做出反应，加入战争。英国搭法国因为盟约个关系也徛在普鲁士搭奥地利背后参战。法国立在欧陆战场派出大军，英国反之，在欧陆磨洋工，在海外（包括印度次大陆搭北美）派出重兵，抢法国个殖民地。1757年，普鲁士局面占优，北面个衰落大国瑞典担心普鲁士个崛起会抢脱自家个遗产，便徛在奥地利一面参战。新兴个俄罗斯帝国作为哈布斯堡个传统盟友，也徛在奥地利一面参战。昰然，普鲁士挨著四面围攻，尽管有英国人个金元援助，也弗好扭转局面。废脱哉大帝疲于奔命，首都柏林危在旦夕。弗过英国利用欧洲主要势力围攻普鲁士个机会，趁机在魁北克获得大胜，担法国在海外顶重要个北美殖民地实际占领。外加在印度，隑著克莱武勋爵个武功，拿法国人搭莫卧儿帝国个联盟击败，奠定著后首来英属印度个帝国基础。弗过，英国个扩张也引发另一大殖民帝国西班牙个反感。立在稳健个费南笃六世死脱之后，新上位个卡洛斯三世主张对英国强硬，然介，西班牙在1760年代后加入法国搭奥地利一方参战（参见1762年英西战争）。
1760年代初，普鲁士已经走投无路，四面楚歌。俄国军队已经逼近首都，好预见国家顷刻便著覆亡。弗过，就在居个辰光，俄国伊丽莎白女皇驾崩，新皇彼得三世上位，居个人邪气崇拜腓特烈二世，顷刻喊停进攻外加搭普鲁士和谈，让普鲁士腾出大量兵力对付奥地利搭法国。法国因为常年无好处个征战，昰个辰光已经财政破产，本生吃弗消总体战个奥地利也无办法收回西里西亚。昰然，到1763年，西面个法国、英国、西班牙签署《1763巴黎协约》，停战。东面个普鲁士、奥地利搭俄罗斯签署《赫伯斯滕条约》，停战。多年个战争总算结束，欧洲大陆个权力结构重组。
影响
编辑场战争对18世纪欧洲各大势力影响深远险。对英国搭普鲁士来讲，渠场实际获得著胜利。法国搭奥地利则遭著挫败，西班牙有得有失，继续维持渠自在西半球个势力。
英国从此彻底建立起渠自在海上个霸权。就是法国搭西班牙加一道也难抗衡。伊拉立在北美搭印度获得个法国殖民地也成为著后首来大英帝国个雏形。弗过，因为获得殖民地忒大个关系，渠场伉本生英属北美个关系反倒紧张。加上法国搭西班牙存心报复，引发十几年之后个美国独立战争。让英属北美脱离英国控制。 普鲁士通过战争，彻底获得在神圣罗马帝国当中个特殊地位，同时崛起成为其余势力公认个欧洲列强之一。