交易所

交易所是一种邪气高度组织化个、买卖证券、商品、外汇、期货搭期权等个合同个场化。

历史

顶顶早个一间交易所，是勒嗨13世纪辰光个欧洲比利时个布鲁基，勒迭个辰光伊是畀来自全欧洲个商人做生意个场化。箇间交易所个主人家为各地商人提供法律咨询服务。随牢辰光变迁，荷兰人顶早开始利用各地个交易所来进行融资并勒1602年成立仔荷兰东印度公司。

1774年起，巴黎股票交易所开始要求交易者将伊拉个买卖大声叫出来，以增加透明度。弗过，现在个计算机技术已经让箇种传统慢慢较淡下去哉。

1971年，纳斯达克成为第一间计算机系统交易所。

特征

交易所让经纪人搭经销商能够互相碰着面来买卖物事。交易所个优势在于，当买卖一方发生违约个辰光，清算所会得帮另外一方弥补损失。

交易所个种类有：

• 根据交易物品来划分个
  • 股票交易所或者证券交易所；
  • 商品交易所；
  • 外汇交易所（今朝已经弗多哉）。

• 根据交易方式来划分个
  • 传统交易所——执行现汇贸易；
  • 期货交易所或者期货期权交易所——执行金融衍生品交易。