朝天宫，是一个来勒江苏南京水西门内冶城山个重要建筑物，南朝辰光，此地是總明觀太學个场化，明朝辰光，此地是朝廷举行盛典前练习礼仪个场化，也是官僚子弟袭封，搭文武官员学习朝见帝国皇帝个建筑。老早个朝天宫是一个道观，来勒太平天国战争当中，被毁脱。现在个朝天宫建筑，是平定长毛贼之后，来勒清朝同治五年到九年（1866年－1870年）当中改建个，来勒改建当中，此地也从老早个道教建筑变成功儒家个文庙搭江寧府學，现在，此地也是南京市博物馆个所在，拥有邪气丰富个文化资源。
朝天宫 江南顶顶大个古建筑
- 春秋战国辰光，吴王夫差筑冶城。
- 晋辰光，建冶城寺。
- 南朝刘宋统治中期，是总明观。
- 唐拿此地改成太清宫。
- 唐后五代时期，来勒此地修造紫极宫。
- 宋该叫祥符宫、天庆观。
- 元改叫做玄妙观、永寿宫。
- 明洪武十七年重新修造，定名朝天宫。
