浦东县

浦东县，是上海市已撤销个一个县。面积158平方公里，人口大约码子有50万。县人民委员会驻浦东南路，也就是现在个东昌中学。

设立

1958年10月20号，经过国务院全体会议第81次会议通过，根据上海市人民委员会1958年8月1号报告，决定成立浦东县，撤销东郊区、东昌区两个区，拿箇两個区个行政区域作为浦东县个行政区域。，起名个原因是地片名浦东。

县东面是川沙县，南面是上海县，西面是黄浦江，北面是长江口。

行政区划

浦东县成立个辰光，下头有3個街道办事处搭仔15個乡：高庙街道、塘桥街道、周家渡街道、耀华乡、艾镇乡、六里乡、严桥乡、孔桥乡、泾南乡、二塘乡、海滨乡、凌桥乡、金桥乡、陆行乡、张桥乡、东沟乡、高东乡、高南乡。

后些来，改成6個街道办事处、高桥、洋泾、杨思3個县属镇搭仔11個人民公社。

撤销

1961年1月25号，经过国务院全体会议第108次会议通过，撤销浦东县，拿原来浦东县里向个农村地区划归川沙县，靠近市区个城镇分别划拨黄浦、南市、杨浦箇三個区。。原来是箇個县个东昌路街道、崂山西路街道、张家浜街道畀划拨黄浦区。原来是箇個县个周家渡街道、塘桥街道畀划拨南市区。原来箇個县里向，浦东大道北面，洋泾街道大部分搭仔其昌栈往东个地方畀划拨杨浦区。原来是箇個县个洋泾、杨思、高桥地区个金桥、张桥、东沟、高南、高东、高桥、凌桥、严桥、杨思、洋泾等10個人民公社畀划拨川沙县。原来是箇個县个上海炼油厂、上海石油采购供应站、上炼新村等单位搭地区畀划拨吴淞区。