维基百科

退步左翼

（从白左转戳到箇里）

退步左翼（英语：regressive left），有辰光也畀称作是退步自由主义者（regressive liberals），是一种用来形容一部分左派个负面称呼。迭些左派畀指责在政治丄持一种反动观念，因認同文化多元搭相对主义，容忍限制個人權利个意识形态（譬如伊斯兰主义），但同時繼續攻擊右派搭保守主義支持者，並限制伊拉發表意見个言論自由，像近年部分左翼人士成功阻止部分另類右派支持者在學堂裏向進行演講。此外，批評者指責伊拉爲捍衞自身个道德高地，會得擔弗认同伊拉立場个人稱呼爲種族主義者、性別歧視主義者、仇外、恐同、恐伊斯蘭咾啥。

簡介

编辑

垃拉对多元文化主义个具体讨论裏向，英国反伊斯兰主义活动家马吉德·那瓦兹（Maajid Nawaz）在伊个回忆录《激进分子：我逃脱伊斯兰极端主义个旅程（Radical: My Journey out of Islamist Extremism）》[注解 1]中使用了迭隻术语去形容在英国“幼稚无知个取悦”伊斯兰主义者，并且帮助伊斯兰主义获得大众接纳个“‘好心个（特指经常办坏事个伊类）’自由主义者搭畀意识形态驱使个左派”。2015年，在Big Think网络论坛个一趟视频报告丄向，那瓦兹详细个阐述了迭隻术语（退步左翼），用其形容一部分在伊看来是 “为仔政治正确以及伊拉自以为对其它文化个宽容搭尊重弗同生活方式，有一种限制伊拉挑战少数群体可能个偏狭个内在个犹豫”个左派。[2]

迭隻概念也畀知名个社会与政治评论者、喜剧演员比尔·马赫（Bill Maher），网络脱口秀主播戴夫·鲁宾（Dave Rubin）还有山姆·哈里斯（Sam Harris），杰里·科因（Jerry Coyne）搭 理查德·道金斯（Richard Dawkins）迭然个新无神论者多次讨论过。[3][4]

垃拉中国大陆个网络文化裏向，有一种类似个概念，称之为“白左”。在香港、類似个左派畀稱爲「左膠」，垃日本嚜稱爲「和平白癡」；迭些左派也是因爲對敵對勢力友善而遭譏諷。

概念

编辑
 
马吉德·那瓦兹对“退步左翼”一词个使用已经成了伊反对伊斯兰主义（著重於推行伊斯蘭教法搭泛伊斯兰主义（Pan-Islamism）式个政治团结个伊斯兰国家个极端古兰经字面主义者（Qur'anic literalism）个主张）中个一部分。

马吉德·那瓦兹，因为认可伊斯兰世俗化，於2007年与伊之前加入个激进伊斯兰团体伊扎布特/伊斯兰解放党（Hizb ut-Tahrir）决裂。奎利亚姆基金会（Qualliam）个共同创办者和主席，迭隻反极端主义智库组织总部垃拉伦敦，旨在挑战伊斯兰主义叙事。[5][6]

那瓦兹使用了“退步左翼”迭隻概念去形容埃排在伊看来在迎合伊斯兰主义（一种畀伊定义为有著“推行某种对伊斯兰教个理解并将其凌驾於世俗法律之上个企图”个“全球极权主义神权政治计划”）[7] 个左倾人士。伊对於伊斯兰主义个反对基於 “擔任何一种伊斯兰观点强加畀任何地方个任何人个任何企图儕是对公民自由权利最根本个侵犯”。[8] 按照那瓦兹个意见，迭些伊斯兰主义个同情者包括了“以文化宽容个名义为伊斯兰主义辩护，而支持伊斯兰主义者个无神论者”。[9]

在2015年10月搭政治脱口秀主持人Dave Rubin个访谈中，那瓦兹进一步阐述了伊选择“退步（regressive）”去形容迭些左派个理由。伊猜想迭部分左派“由衷地相信”伊拉垃拉进行一场反对西方政府个促进了以国家为主体个暴力行为搭战争个形成以及准时入侵中个混乱个新保守主义与新殖民主义个对外政策个“意识形态战争”。与之相对个是，当我伲应该谴责像是穆斯林极端分子迭然个极端神权主义者个随机暴力行为辰光，退步左翼放弃脫伊拉批评迭些暴力行为个责任，认为更应该关注国家暴力搭战争迭些更大个罪恶。有辰光，伊拉甚至搭頂頂保守个，神权个杀戮体制（murdering regimes，经常用於形容前苏联政体搭纳粹德国政体）搭组织“结盟”。那瓦兹擔迭些人士贴上仔退步左翼个标签。伊挨下去引用了英国工党领袖杰里米·苦厄濒（Jeremy Corbyn）个例子，认为伊“曾经交關接近”成为一名伊斯兰组织哈马斯搭真主党个支持者。在那瓦兹看来，同时谴责新保守主义对外政策（例如伊反对个伊拉克战争）搭神权政治是完全可行个，但退步左翼朆做到迭隻点。[10]

按照那瓦兹个意见，迭种认为穆斯林弗会接受对伊斯兰批评搭嘲弄，衹会通过暴力做出反应个看法，正是“自视甚高地、自怜地鼓励放纵”埃排伊拉声称要服务搭解放个穆斯林，因为迭种看法根本就嘸沒在期望穆斯林成为公民并控制伊拉自家个愤怒。迭种“低期望性个种族主义”降低了少数群体中人们个道德标准，为伊拉表达厌女主义、同性恋恐惧、沙文主义搭反犹太主义个观点寻找借口，同时却坚持社会个大部分成员应该遵守普遍个自由主义标准。

奎利亚姆基金会个总经理Hrras Rafiq认为在左派中存在一种为伊斯兰主义寻找借口个趋势。伊講“阿拉还嘸沒弄清楚极右翼个仇恨与伊斯兰主义之间是否存在共生关系，而迭排退步左翼已经准备好为伊斯兰主义辩解哉”。[11]

分析

编辑

哈里斯与那瓦兹

编辑

在2006年，新无神论作家山姆·哈里斯就在洛杉矶时报上撰写文章，用短语“鸵鸟自由派”（ Head-in-the-sand Liberals ）去形容埃排自由派，伊提出來迭隻術語比那瓦兹提出來“退步左翼”早六年。伊拉否认事实，“尽管有充足证据表明事实与此相反”，“仍旧臆断穆斯林恐怖主义起源於经济丄个绝望、缺乏教育搭美国个好战态度。”伊感叹道“要保持普遍性个通情达理搭对差异个宽容个言话，自由派就应该对坚持按照字面意思解读宗教经典个主义个危险性保持交關敏感。但伊拉却弗是迭然”。

在2015年9月，山姆·哈里斯搭马吉德·那瓦兹在一個由哈佛大学政治研究所主持个公共论坛时进行了交流，[12] 交流内容随后畀公开出版成一本小书，标题是《宽容个未来与伊斯兰：一趟对话（Islam and the Future of Tolerance: A Dialogue）》（2015）。在为《国民评论网络版（National Review Online）》撰写个本书书评中，政治专栏作家Brian Stewart指出，根据那瓦兹啊哈里斯个说法，西方个退步左翼是在对“尽管圣战者搭伊斯兰主义者反对诸如個人自主、言论自由、民主、女权搭同性恋权利等自由价值，迭排穆斯林派系依旧是全球穆斯林社群搭穆斯林少数群体社群个重要组成部分（哈里斯推测是20%）”个真相“故意失明”。退步左翼因此展示了对於任何针对迭种现象个批判个令人惊奇个反自由、孤立主义、甚至是谴责个态度，伊拉弗但背叛了普遍个自由价值，而且放弃脫保护最易受到侵害个像煞在穆斯林社群内生活个女性、同性恋、叛教者迭些自由个成员。

在2015年10月交11月，山姆·哈里斯在伊与媒体个交流中频繁使用“退步左翼”迭隻术语，伊講最大个危险垃拉退步左翼“出於对冒犯少数群体个恐惧”愿意放弃脫言论自由，迭個将导致少数群体对言论个审查，伊引用了美国记者格伦·格林沃尔德（Glenn Greenwald）关於查理周刊总部枪击案个评论作为一個例子。[13][14] 哈里斯擔Reza Aslan（伊朗裔美国作家、公共知识分子、宗教学者、制片人搭电视主持人）[14] 诺姆·乔姆斯基（Noam Chomsky，美国哲学家、语言学家、政治评论家）[15][16] 视为退步左翼。

其他媒体搭人物

编辑

在2013年，一视同仁运动（One Law for All）[17] 发表了一篇报告——《与压迫者统一阵线：支持伊斯兰主义个左派（Siding with the Oppressor: The Pro-Islamist Left）》。[18]据独立报声称，该报告表达了一种对“（某些反战运动）热心於与主张谋杀同性恋个人一淘共事”搭“（某些反法西斯团体热烈欢迎）宗教法西斯主义者（加入队伍）”个忧虑。 独立报擔迭种观点表达为“極其讽刺个咾，迭排支持伊斯兰主义个左派已经达到了与白人极右翼相同个结果。对穆斯林个看法交对伊斯兰主义个看法成为了同义个——批判伊斯兰主义畀表示为反穆斯林个特征——迭個齊巧是英国防卫联盟（EDL）伊然个团体个观点”。独立报个文章总结道，由一种“对退化个进步主义者具有交關吸引力个病态个反美主义”驱动个政治性个证实偏见要对此负责。文章也援引Maryam Namazie（包括伊朗团结党（Iran Solidarity）、一视同仁运动搭啊伦敦前穆斯林委员会（Council of Ex-Muslims of Britain）在内个好幾個组织个成员搭代言人）个言話講，“（埃排左翼团体里）有排重量级人物以保护伊斯兰主义搭让反对者沉默来保护‘穆斯林’”。

在2015年10月，华盛顿时报报道称，美国喜剧演员兼节目主持人比尔·马赫搭英国生物学家兼新无神论作家理查德·道金斯为退步左翼未能理解“伊斯兰教带来啥都弗会带来自由”而感到遗憾。 马赫指出了退步左翼愿意除脫批判伊斯兰教以外个一切，以“伊個是伊拉个文化”作为理由。道金斯回应道：“葛末好，乃就搭伊拉个文化一淘落地狱𠲎” 。[19] 《周日快讯（Sunday Express）》擔道金斯描绘成功一個有著“以特别具有爆发性个态度攻击西方社会对伊斯兰激进派采取个放松态度”个人。当伊提及学生主动取消对校园裏向前穆斯林个发言者个邀请时，道金斯擔迭個视为“一個对1960年代言论自由运动个背叛”。[20]

在2015年11月，作家、哲学家、无神论活动家Peter Boghossian在出席广播脱口秀《人文主义者时光（The Humanist Hour）》时但“退步左翼”定义为一种用来形容埃排擔伊斯兰主义者当做“最奇异个盟友”个左派个轻蔑语。根据伊个观点，“退步（regressive）”一词用来与“进步（progressive）”一词形成对照——后者是一個想要创造正义搭种族平等个体制个平等主义者群体，然而前者却成为了一個“寻找最糟糕个人（来帮助），弗拓展对宽容个诠释，或者对任何人所話个任何内容加以宽容个解释，却擔宽容用作打倒伊人个大锤”个群体。另外，伊认为退步左翼已经成为“过度道德主义者”搭自家所认为个受害者个拥护者。伊援引了历史丄罪恶，譬如美国奴隶制搭殖民主义个合法性问题，迭個已经引起了对任何西方搭资本主义事物个弗信任。伊补充道“种族主义搭同性恋恐惧已经帶畀人们法律后果，外加迭個持續垃許。但问题是，当人们随意地抛出像‘种族主义者’迭排詞彙个辰光，词汇失去脫伊本身个意义。迭個是交關讽刺个，因为箇原本应该是一個嚇人个字眼”。[21]

在2015年12月，国际关系学者Elliot McArdle在英国网络杂志《尖刺（Spiked）》上撰写文章写到，一些“所谓个自由派/左派”擔像那瓦兹一样个自由派穆斯林搭像Namazie一样个前穆斯林当做“天然个告密者”、“叛徒”或者“弗是真正个穆斯林”，因为迭些伊斯兰（主义）个批判者，尽管有得穆斯林背景，但是弗符合（伊拉）想要个擔穆斯林当作同质化个搭受压迫个团体个对穆斯林个叙事。

在2015年末，自由派脱口秀主持人Dave Rubin垃自家个节目The Rubin Report上主持了交關关於“退步左翼”个讨论。[22] 伊在节目上有一趟講道，“我认为擔伊拉以‘退步’命名重要个原因是，我现在擔迭些退步左翼当做左翼版本个茶党。茶党一徑畀右派放纵，直到右派意识到需要抑制个时候却为时已晚哉，所以现在共和党已经破碎到乱成功一作堆，经常使伊拉团结一致个衹有党内最糟糕个信念。我真个相信迭些退步左翼就是对整個左翼做像茶党迭然个事情，葛末从今朝算起一到两年以后，我伲假使嘸沒勇气去阻止伊拉，我伲将会得惊奇爲啥我伲个制度畀搞得甚至比现在还要更加糟糕”。[23] 在一系列个访谈中，Rubin搭伊个嘉宾分析了“退步左翼”个概念搭伊个含义，迭些嘉宾有Peter Boghossian、 阿亞安·希爾西·阿里（Ayaan Hirsi Ali，索马里裔荷兰女权分子、无神论者、作家及政治人物，以批评伊斯兰教、反对女性割礼及生殖器切割而知名）、马吉德·那瓦兹、Nick Cohen （英国记者、作家搭政治评论员，《观察家报（The Observer）》专栏作者、《旁观者（The Spectator）》作者搭《立场（Standpoint）》杂志电视评论员）[24] 搭Douglas Murray （英国作家、记者、评论家，智库组织“社会凝聚力（Centre for Social Cohesion）”前主任，智库组织“亨利·杰克逊社区（Henry Jackson Society）”主任）。[25]

批判

编辑

在2015年11月，精神分析学家Khwaja Khusro Tariq在《赫芬顿邮报》上擔迭個词归类为一种毫无根据个人身攻击，伊講，美国个自由派搭保守派媒体儕垃拉设法获得对伊斯兰教頂頂辣手个批评。伊还认为迭個词畀控制著指向格伦·格林沃尔德搭诺姆·乔姆斯基，而迭两位儕朆宽恕暴力或者对伊斯兰教个教条发表意见。伊辩称“嘸沒人真诚地试图禁止对迭种宗教表达反对”。[26]

在2016年3月，Joseph Burnstein（一名BuzzFeed个网络文化记者）根据Google Trend写到，迭隻词个出现频率在2015年个“暴涨”有著弗寻常个意味。相比於批评“文化宽容已经走得忒远哉”，伊更加关注迭隻短语“全方位个包括了所有个反对社会公平战士个网络力量所弗像个主流新媒体文化”。伊还认为尽管迭隻词可以畀追溯到那瓦兹、马赫搭道金斯迭然个自由派评论者，佢乃朝垃拉畀另类右翼（Alt-Right）当成功话语争战个一部分而在网络论坛交社交媒体丄大量使用。[27]

別樣

编辑

注解

编辑
  1. ↑ 在回忆录个210页，那瓦兹写道: “赢得战争难道弗是比真理更重要𠲎？我曉得迭条格言也是畀某排左派尤其是退步左翼所奉为座右铭个。打败脫资本主义对於伊拉来講要对於伊拉个盟友来講重要得多。我曾目睹了我伲个意识形态获得了接纳，我伲畀广播节目当成功穆斯林时事评论员所承认。我也曾目睹了当我伲畀‘好心个（特指经常办坏事个伊然）’自由派搭畀意识形态所驱动个左派无知个迎合个辰光，我伲伊斯兰主义者是如然嘲笑伊拉个幼稚（naïveté）个。”[1]

参考资料

编辑
  1. ↑ Nawaz1, Maajid（2012）．Radical: My Journey out of Islamist Extremism．WH Allen．ISBN 9781448131617．於2016-01-01参阅． 
  2. ↑ Maajid Nawaz (2015-11-18). Je Suis Muslim: How Universal Secular Rights Protect Muslim Communities the Most. Big Think. 访问日脚2015-11-23.
  3. ↑ Real Time with Bill Maher: Richard Dawkins – Regressive Leftists (HBO). Real Time with Bill Maher. HBO (2015-10-02). 访问日脚2015-11-23.
  4. ↑ Kellan Howell (2015-10-03). "Bill Maher, Richard Dawkins blast 'regressive liberals' giving a 'free pass' to Islam". The Washington Times. Retrieved 2015-11-23. 
  5. ↑ Nawaz, Maajid (2012).
  6. ↑ Maajid Nawaz (Quilliam). 原始文档勒2016-12-19存档. 访问日脚2017-05-30.
  7. ↑ Nawaz, Maajid（2012）．Radical: My Journey out of Islamist Extremism．WH Allen．ISBN 9781448131617． 
  8. ↑ Maajid Nawaz (8 August 2015). The British Left's Hypocritical Embrace of Islamism. The Daily Beast. 访问日脚23 November 2015.
  9. ↑ Tony Jones (28 October 2015). Lateline: An atheist and a Muslim on the future of Islam. Lateline. Australian Broadcasting Corporation. 访问日脚23 November 2015.
  10. ↑ Rubin, Dave (2015-10-02). "Maajid Nawaz and Dave Rubin Discuss the Regressive Left and Political Correctness". Rubin Report. Archived from the original on 2016-03-10. Retrieved 2016-01-03. 
  11. ↑ Rubin, Dave (2 October 2015). "Maajid Nawaz and Dave Rubin Discuss the Regressive Left and Political Correctness". Rubin Report. Archived from the original on 10 March 2016. Retrieved 3 January 2016. 
  12. ↑ Harvard’s Institute of Politics hosting Sam Harris and Maajid Nawaz. Islam and the Future of Tolerance. Harvard’s Institute of Politics. 访问日脚3 January 2016.
  13. ↑ Chris Beck (21 October 2015). Sam Harris Unloads on the Regressive Left. Splice Today. Russ Smith. 访问日脚23 November 2015.
  14. ↑ 14.0 14.1 Sean Illing.
  15. ↑ Sam Harris is still mad about ‘liberals who followed Noam Chomsky off the edge of the world’.
  16. ↑ The Last Word With Lawrence O'Donnell' on Oct. 15, 2015.
  17. ↑ No sharia law Campaign. One Law for All. 访问日脚2016-07-12.
  18. ↑ James Bloodworth (28 June 2013). "Why is the left so blinkered to Islamic extremism?". The Independent. Retrieved 23 November 2015. 
  19. ↑ John Worthing (27 October 2015). "'To hell with their culture' - Richard Dawkins in extraordinary blast at Muslims". The Independent. 
  20. ↑ Tyler Kingkade (3 October 2015). "Richard Dawkins: College Students Are Betraying The Free Speech Movement". HuffPost on HPMG News. 
  21. ↑ Bo Bennett, Kim Ellington. The Humanist Hour #175: The "Regressive Left" and Safe Spaces, with Dr. Peter Boghossian 档案，存勒互联网档案馆当中。（2016年1月11号） thehumanist.com The Humanist Hour. (4 November 2015).
  22. ↑ Milo Yiannopoulos and Dave Rubin Discuss Gay Rights and Cultural Libertarians. Ora TV. 原始文档勒2016-03-04存档. 访问日脚2015-10-08.
  23. ↑ Dave Rubin: Regressives are the Left's Tea Party. The Rubin Report. The Rubin Report (7 October 2015). 访问日脚25 November 2015.
  24. ↑ Nick Cohen and Dave Rubin Discuss the Regressive Left, Free Speech, Radical Islam. Ora TV. 原始文档勒2016-03-10存档. 访问日脚2017-05-30.
  25. ↑ Douglas Murray and Dave Rubin Talk Free Speech, ISIS, Israel (Full Interview). Ora TV. 原始文档勒2016-03-20存档. 访问日脚2017-05-30.
  26. ↑ Tariq, Khwaja (11 November 2015). ""Regressive Liberals": The New Mantra of Islamophobia". Huffington Post. 
  27. ↑ Burnstein, Joseph (16 March 2016). "The Rise Of The #Regressiveleft Hashtag". Buzzfeed. 
取自“https://wuu.wikipedia.org/w/index.php?title=退步左翼&oldid=317101”