2016年9月1號日食

2016年9月1日日食是一趟日環食，勒2016年9月1號發生。新月箇日天（就是朔日），地球浪看過去月亮搭太陽個角距離極小，該歇辰光月亮如果齊巧勒月球交點附近，穿過太陽搭地球當中，搭地球、太陽接近一直線，就會得出現日食。月球穿過太阳搭地球當中，但必過離地球遠仔一滴滴，本影朆接觸著地球表面，讓偽本影覆蓋個區域裡向看到月球個角直徑小於太陽，就是日環食，同時勒本影兩嗨邊幾千公里個半影範圍裡向遮脫一部分陽光，出現日偏食。該趟日全食經過仔赤道幾內亞、加蓬、剛果共和國、剛果民主共和國、坦桑尼亞、莫桑比克、馬達加斯加、留尼汪，日偏食覆蓋仔非洲大部分搭周邊部分地區。

2016年9月1号日食
2016年9月1號日環食路徑圖
日食类型
性质	日環食
伽瑪	0.9454
食分	1.0446
食甚（定义）
持续时间	3分鐘5.6秒
位置	坦桑尼亞魯伍馬區通杜魯縣東部
坐标	10°40.9′S 37°45.7′E
日食带宽度	99.7公里
辰光（UTC）
食甚	9:06:53.9
参考
沙羅周期	120（71次中的第61次）
該趟日食已經結束哉 ()

日食個情況

出現區域

剛果民主共和國卡萊米個日環食

該趟日食開始個辰光，月球個偽本影勒大西洋中部阿森松島西北差弗多760公里個海浪接觸地球，接下來朝東北移動，覆蓋仔赤道幾內亞個安諾本島，該噠是該個國家勒南半球唯一個領土，距離該個國家其他個場化儕蠻遠。接下來偽本影後從加蓬登上非洲，逐漸朝東南轉過去，勒坦桑尼亞魯伍馬區通杜魯縣東部離林迪區查弗多9.3公里個場化達到最大食分。嘸不幾化辰光僞本影就斜貫莫桑比克海峽北部搭馬達加斯加島，進到印度洋南部，覆蓋法國海外大區留尼汪島中南部，阿末勒日落辰光勒澳大利亞西南查弗多1300公里個印度洋東南部海浪結束。

該趟月亮偽本影經過個陸地包括：

• Template:Country data GNQ 赤道几内亚：安諾本島；
•  加蓬：從西朝東橫穿濱海奧果韋省，經過中奧果韋省南部，橫穿恩古涅省仔經過奧果韋-洛洛省南部搭上奧果韋省南半部；
• Template:Country data COG 刚果共和国：經過尼阿里省東北部、萊庫穆省北部、盆地省西南部仔從西朝東橫穿高原省；
• Template:Country data COD 刚果民主共和国：擦過赤道省西南角並從西北朝東南斜穿班頓杜省北部、西開賽省北部、東開賽省，經過馬涅馬省西南部仔斜穿坦噶尼喀省北部；
•  坦桑尼亚：經過基戈馬區南部，從西北朝東南斜穿魯夸區、姆貝亞區、伊林加區中部偏南仔經過莫羅戈羅區南部、魯伍馬區北部搭東部、林迪區西南部、姆特瓦拉區西部，其中勒魯伍馬區通杜魯縣東部距林迪區離林迪區查弗多9.3公里個場化達到頂大個食分；
• Template:Country data MOZ 莫桑比克：擦過尼亞薩省東北角仔從西北朝東南斜穿德爾加杜角省中部偏北；
• Template:Country data MDG 马达加斯加：從西北朝東南斜穿馬哈贊加省中部偏東搭圖阿馬西納省中部偏北；
• Template:Country data REU 留尼汪：聖保羅區、聖但尼區南部、聖貝努瓦區中南部、聖皮埃爾區。

除脫交關狹個環食帶裏向好看見日環食之外，月球半影覆蓋範圍裏向儕好看見日偏食，包括巴西頂頂東面一隻角、非洲除脫北非沿海以外個大部分、阿拉伯半島西南部、馬爾代芙中南部、印尼蘇門答臘南部搭爪哇中西部、澳大利亞西部海岸，搭仔南極洲靠近印度洋個一隻角。

該趟日環食過程當中月影勒地表移動個動畫

基本參數

• 類型：日環食
• 食甚中心處（勒坦桑尼亞魯伍馬區通杜魯縣東部離林迪區查弗多9.3公里個場化）資料：
  • 辰光：2016年9月1號9:06:53.9（UTC）
  • 場化：10°40.9′S 37°45.7′E
  • 食分：0.9736（環食帶裏向頂大）
  • 偽本影闊度：99.7公里
  • 日環食持續辰光：3分鐘5.6秒
• 全食頂長處資料：
  • 辰光：2016年9月1號9:05:10（UTC）
  • 場化：10°26′S 37°21′E
  • 偽本影闊度：99.8公里
  • 日環食持續辰光：3分鐘5.6秒（環食帶裏向頂長）

外頭個網站

维基共享资源里向寻得着搭该篇文章搭界个多媒体资源：

2016年9月1號日食

• NASA日食專頁（英语）
• Google地圖顯示個日環食搭日偏食範圍（法文）（英语）