江淮地区

江淮地区是东亚一个地理范围个称呼，具体是立在长江搭淮河当中个区域，迭个区域西面从大别山开始，一直延伸到东海。立在历史浪，江淮区域一般也叫做淮南，从唐朝到元朝，侪属于单独行政区划。有辰光为区别，也分开成淮东搭淮西。迭个区域是中国南北文化过度地带，语言浪受到老早此地个土著语言吴语搭后势来个官话个影响。个当中，淮东地区（淮扬地区)受到个影响更加大。因此也形成江淮人为主体个地方族群。到太平天国战争之后，安徽省南面个皖南因为本土人口大规模畀灭绝，所以也有老多淮西人移民此地，到乃朝，皖南个宣城、芜湖等地，也一般归类到江淮地区当中，当做江北文化个一部分哉。