鸡鸭血汤（吴语拼音：ci ah shiuih thaon[1]），一种江南一带流行个传统小吃，用鸡鸭血、鸡内脏、鸡汤熬制而成，好搭配生煎馒头或者小笼馒头享用。
鸡鸭血汤是上海城隍庙特色小吃，讲是20世纪早期由一位叫许福泉个小摊贩首创。伊用一只俗称「铁牛」个铁镬子烧汤，当中用铝皮隔开，一半烫血，另外一半用鸡头鸡脚吊汤。有人想喫，就拣些鸡心、肝、肫、肠、卵，浇上血汤，撒上葱花，淋几滴鸡油[2]。
跟最初个鸡鸭血汤比，现在个鸡鸭血汤有所改良，店家一般性会得加入油豆腐、粉丝等辅料提鲜，再撒上些胡椒粉搭香菜叶子。
