越国

越国（又畀称为于越、於越），是春秋战国时期勒中国东南方个诸侯国，都城勒嘞会稽（绍兴）。越国前期个核心统治区域主要勒今朝个浙江省诸暨、东阳、义乌搭绍兴周边地区，俚个早期都城就勒箇块区域内迁移，最早个首都是勒今朝个诸暨，后来定都会稽（绍兴）。公元前473年，越国灭脱吴国后，势力范围一度北达江苏北部，东濒东海，西达皖南、赣东，雄踞东南。

吳越歷史年表
史前 時代 前9000 | 前12世紀		上山文化
		跨湖橋文化
		河姆渡文化
		馬家浜文化
		崧澤文化
		良渚文化
		錢山漾文化
		好川文化
		肩頭弄文化
		馬橋文化
甌越 前12世紀﹣前306			勾吴 前12世紀﹣前473				於越 前12世紀﹣前306
東甌 前472﹣前138
			楚 前306﹣前222				越人部落 前12世紀-？
			秦 前222﹣前209
			西楚 前209﹣前201
		汉 前202﹣196		吴（刘濞） 前202﹣前153
孙吴 196﹣280
晋 280﹣420				孫恩 盧循
南朝 420 | 589			宋 420–479
			齐 479–502
			梁 502–557
			陈 557–589
隋 589﹣618						高智慧 刘元进 沈法兴
唐 624﹣907						陳碩真 袁晁 裘甫 董昌
吴越 907﹣978					杨吴 902﹣937
					南唐 937﹣975
宋 978﹣1276						方腊
元 1276﹣1355						杨振龙 陈空崖 方国珍
張士誠 1355﹣1367
明 1368﹣1644 南明 1644﹣1646						汪直 胡乘龍 叶宗留
清 1646﹣1911						张念一 钱宝通
						太平天国 1853﹣1864
						上海公共租界 1845﹣1943
						上海法租界 1849﹣1943
浙江軍政府 1911﹣1912		江蘇都督府 1911﹣1912		滬軍都督府 1911﹣1912
中華民國 臨時政府 1912-1913
北京政府 1913-1927				浙江省 1913﹣1916
國民政府 1927-1948								日本 1937﹣1945 上海市大道政府 1937
中華民國政府 1948-1955
中华人民共和国 1949﹣今
注：所標年份依照政权统治吴越地区个辰光

起源

我伲所晓得个春秋五霸个勾践卧薪尝胆也就是第三十九代越王。史书浪讲越国是夏朝少康庶子于越个后裔，国君姓姒。但根据考古学浪个发现，越国更加有可能是继承仔太湖地区个马桥文化，是古代百越当中个于越人建立个国家。《国语》当中记载越国国君是姓芈个。

历史

公元前496年，吴王阖闾派兵攻打越国，但不过畀越国打败，阖闾也伤重死脱哉。两年后阖闾个儿子夫差带兵打败越国，越王勾践畀押送到仔吴国做奴隶，勾践忍辱负重伺候吴王三年过后，夫差再对俚消除仔戒心拿俚送回越国。

其实浪勾践并呣没忘记脱复仇，俚表面浪对吴王服从，但不过暗中训练精兵，强政励治，等待时机反击吴国。勾践怕自家会贪图眼门前个安逸，消磨脱报仇个意志，所以俚帮自家安排仔艰苦个生活环境。俚夜里向困觉弗用褥，只铺点柴草（古代叫薪），又勒窝里挂仔一只苦胆，俚一直会尝苦胆个味道，就是为仔弗忘记过去个耻辱。

勾践为鼓励民众，搭王后跟人民一淘参加劳动，勒越人同心协力之下让越国强大起来，并最终寻准仔机会，灭脱仔吴国。

勾践平定吴国之后，就出兵往北渡过黄河，勒徐州搭齐、晋诸侯会合，进献贡品畀周天子。周元王派人赏赐祭祀肉畀勾践，称俚为“伯”。勾践离开徐州，渡过淮河南下，拿淮河流域送畀楚国，拿吴国侵占个宋国个土地还畀宋国。拿泗水以东方圆百里个土地畀仔鲁国。箇许辰光，越军勒长江、淮河之东畅行无阻，各个诸侯侪来庆贺，越王号称霸王。为仔继续称霸，勾践拿越国个首都迁到仔琅琊（今朝个连云港）。到越王翳（前379年）个辰光，越国国力减退，又迁都回到仔江东个姑苏（今朝个苏州）。

前312年，勒秦国、韩国、魏国搭楚国、齐国对峙个辰光，楚国派大批军队包围仔秦兵勒曲沃搭商于。越王勒箇个辰光派使者以“乘舟”（君王坐仔用来指挥作战个大船）、战船三百艘、箭五万支，送畀魏国来支持魏国。箇点水战所需个军用物资运输到魏都大梁，一定要从长江经邗沟，再经淮水搭鸿沟，可以推断出箇许辰光邗沟搭淮水还勒越国个势力范围之内。箇许辰光越王原本要讨伐齐国，经过齐王派人游说越王，越弗攻齐而攻楚，畀楚打败。

所以楚国想要灭脱越国，来消除后顾之忧。箇浪做，也能扩展领土到江东一带。公元前307年，秦武王举鼎绝膑而死，秦国有仔争立君位个内乱，勒箇许辰光，楚国就趁箇个机会攻打越国。楚国曾经派大臣昭滑到越国去调查仔5年，到公元前306年（楚怀王二十三年），楚国乘越国内乱个辰光，联合仔齐国一淘进攻越国，占领仔越国勒原来属于吴国故地个国都，杀脱仔越王无强，拿原来吴国一直到浙江（今朝个钱塘江）个土地全部攻下来，设江东为郡，越国政权畀灭脱。

越国君主列表

代	稱號	國君姓名	在位年數	在位年份	出身与関係	資料出處
1	越侯無餘	無餘			夏少康之庶子	《史記·越世家》
中有十世不明
11	越侯無壬	無壬				《吳越春秋》
12	越侯無瞫	無瞫				《吳越春秋》
中有二十世不明
33	越侯夫譚	夫譚	27	前564年 - 前538年		《史記·越世家》
34	越侯允常	允常起开始称王	40	前537年 - 前497年	夫譚之子	《史記·越世家》
35	越王勾践	勾踐 别名鸠浅	33	前496年 - 前464年	允常之子	《史記·越世家》 《戰國史》
36	越王鹿郢	與夷 一名鹿郢 又名於賜	6	前463年 - 前458年	勾踐之子	《史記·越世家》 《戰國史》
37	越王不寿	不寿	10	前457年 - 前448年	鹿郢之子	《史記·越世家》 《戰國史》
38	越王朱勾	翁 別名州勾 或作朱勾	37	前447年 - 前411年	不壽之子	《史記·越世家》 《戰國史》
39	越王翳	翳 一名授 又名不光	36	前410年 - 前376年	朱勾之子	《史記·越世家》 《戰國史》
40	越王诸咎		2月	前376年		《史記·越世家》
41	越王错枝	錯枝，一名搜	1	前376年 - 前375年	越王翳之孫、諸咎之子	《史記·越世家》 《戰國史》
42	越王无余	無余 莽安 又名之侯	14	前374年 - 前361年	越王錯枝族人	《史記·越世家》 《戰國史》
43	越王无顓	無顓 《紀年》稱菼蠋卯	18	前360年 - 前343年		《史記·越世家》 《戰國史》
44	越王无疆	無彊	37	前342年 - 前306年	《史記索隱》稱無顓之弟	《史記·越世家》 《戰國史》

语言文化

越国通行个应该是百越当中个于越语。从《史记》、《吴越春秋》等书当中可以看出来越国个语言文化应该是跟吴国差大弗多个。勒春秋后期，越国掌握仔用鸟篆书写个能力。