吳越歷史

吳越歷史，是指个吴越地区个歷史。

吳越歷史年表
史前 時代 前9000 | 前12世紀		上山文化
		跨湖橋文化
		河姆渡文化
		馬家浜文化
		崧澤文化
		良渚文化
		錢山漾文化
		好川文化
		肩頭弄文化
		馬橋文化
甌越 前12世紀﹣前306			勾吴 前12世紀﹣前473				於越 前12世紀﹣前306
東甌 前472﹣前138
			楚 前306﹣前222				越人部落 前12世紀-？
			秦 前222﹣前209
			西楚 前209﹣前201
		汉 前202﹣196		吴（刘濞） 前202﹣前153
孙吴 196﹣280
晋 280﹣420				孫恩 盧循
南朝 420 | 589			宋 420–479
			齐 479–502
			梁 502–557
			陈 557–589
隋 589﹣618						高智慧 刘元进 沈法兴
唐 624﹣907						陳碩真 袁晁 裘甫 董昌
吴越 907﹣978					杨吴 902﹣937
					南唐 937﹣975
宋 978﹣1276						方腊
元 1276﹣1355						杨振龙 陈空崖 方国珍
張士誠 1355﹣1367
明 1368﹣1644 南明 1644﹣1646						汪直 胡乘龍 叶宗留
清 1646﹣1911						张念一 钱宝通
						太平天国 1853﹣1864
						上海公共租界 1845﹣1943
						上海法租界 1849﹣1943
浙江軍政府 1911﹣1912		江蘇都督府 1911﹣1912		滬軍都督府 1911﹣1912
中華民國 臨時政府 1912-1913
北京政府 1913-1927				浙江省 1913﹣1916
國民政府 1927-1948								日本 1937﹣1945 上海市大道政府 1937
中華民國政府 1948-1955
中华人民共和国 1949﹣今
注：所標年份依照政权统治吴越地区个辰光

吳越地區，從旧石器时代起，歷經新石器时代个上山文化、小黃山文化、跨湖橋文化、馬家浜文化、崧澤文化、良渚文化、錢山漾文化、好川文化、馬橋文化等，先秦時期个勾吳、于越、瓯越、楚国，秦朝，漢朝搭東甌國，六朝時期个東吳、兩晉、南朝，隋朝，唐朝，五代个南唐搭吴越国，兩宋，元朝，明朝，清朝，中華民國，中華人民共和國，箇中央還長期有越人部落个存在，搭各許政權等个統治。

遠古時代

吳越地區个地質歷史裡頭，有多種多樣个生物種類搭化石記錄。

侏罗纪白垩纪，吳越个宕地有許特有个恐龙搭翼龙品種，打比方講，有浙江峨眉龍、舟山龍、南京龍、太倉龍等。

海門地區發現爻無數鱼龙个化石，箇是一種生活在侏羅紀到白堊紀个海洋爬虫。

南京邊扗个灰岩溶洞中央，發現爻蠻多隻南京猿人个化石，是重要个早期人類化石。

上古時代

上古時代个吴越地区，是古文明个發祥地之一。

舊石器時代

古人類人牙化石「建德人」顯示，在距瑲五萬年光景，原始人類活動便在吳越个宕地出現。

新石器時代

西元前8000到6500年光景，來朞日个金衢盆地，出現爻一種有規劃特點搭聚落結構个新石器时代考古學文化，謳作上山文化，相關个遺跡裡向已經出土爻具有明顯馴化特徵个水稻。

前7000年光景，小黃山文化出现勒嵊州，有承前啟後作用。

前6000到4000年光景，來湘湖南岸，跨湖橋文化出現。箇地方出土一隻獨木舟，畀望作航海傳統个體現。有學者認為，伊拉同早期南島人有关系。

前5000到4000年光景，杭州灣南岸平原出現爻河姆渡文化，以余姚河姆渡遺址為代表。來河姆渡相關文化遺址裡頭，發現爻大量幹闌式建築，說明爻當時个居住习惯；佢侇已經開始喫人工栽種个水稻；佢手工藝術品老實精湛，以「雙鳥朝日」紋象牙雕頂頂有名。

前5000年到3350年光景，馬家浜文化出現來環太湖流域。佢侇採集、漁獵、畜牧搭稻作，相關遺址出土个野生動物骨頭有梅花鹿、四弗像、野豬、獐、貉、蟹、蠔，各種鳥，草魚、黿、鯽魚許个水生動物，還有桃、杏梅搭菱角咾啥。

前5300年到4000年光景，良渚文化酋邦体制來環太湖地區出現搭擴展佢个影響力，因之各个酋邦形成聯盟、有濃厚个神權色彩、能夠建造大型工程、社會成員地位分化。佢个中心以良渚遺址邊扗个莫角山王城。良渚文化个頂重要个特點是玉器个運用搭陪葬，箇便包括大隻个玉琮、玉璧、玉鉞。玉琮是箇裡向工藝頂精、頂有權威个玉器，上頭有多種獸面紋，其中以全幅个神人獸面紋頂頂尊貴；玉鉞是軍權、王權个象徵。良渚文化中央，已經有文字个雛形，或者已經出現爻原始文字。基因研究還表明，長江出海口邊个良渚人裡向，存在高比例个單倍群O-M119（原O1a）基因，可能講明爻箇時節、南島人搭壯侗語族已經來在良渚交會。

前2700到3200年光景，錢山漾文化出现勒湖州，相關遺址中央出土爻與良渚搭馬橋文化中弗同个器物，畀認為是種新个文化類群。

前2700到3200年光景，好川文化出现勒麗水，其印紋陶畀認為是越人考古文化个代表物事。

前1900到1200年光景，馬橋文化出现勒太湖流域，必过器具丄个文字样个花纹比良渚文化个簡單。相關遺跡出現爻小件青銅器。

古典時代

吳越時期

勾吳、于越初期

馬橋文化發展成爻吳國搭越国。吳國，貤作句吳、工䱷、攻吾咾啥个；越國，貤作戉、于越、于粵、大越。對佢侇个起源有多種望法，《吴越春秋》搭《越绝书》兩書个作者認為吳越兩國地理相接，習俗相同，語音相通。根據考古證據，越人来勒語言習俗、歷史傳承、考古遺蹟許宕地搭中原有蠻多差別。佢侇被認為講是壯侗語系或南亚语系个古越语，漢朝劉向个《說苑·善說篇》裡頭记录个《越人歌》算是保存頂完全个越語資料。佢寫爻一个越人思慕王子个心聲：「濫兮抃草濫予？昌（桓）澤予？昌州州（湛）。州焉乎秦胥胥。縵予乎昭澶秦逾滲。惿隨河湖」（原譯文：今夕何夕兮，搴洲中流。今日何日兮，得與王子同舟。蒙羞被好兮，不訾後恥。心幾頑而不絕兮，得知王子。山有木兮木有枝，心悅君兮君不知；吳語譯文：朞日是何日子阿，我勒乘舟漫遊。朞日是何日子阿，好搭王子同舟。承蒙王子望扗起，弗畀我勒嫌憎。我心亂弗已啊，得著認得王子！）

因之吳越宕地水網密集，有許地方丘陵縱橫，吳越軍隊長在舟楫、步兵、短兵，箇宕地貤富有銅、錫，使得兩國鑄劍技術高超。吳越劍劍型有兩，一為獸面劍格，多有圓轂，一為一字劍格，劍身寬長，形制還要統一。箇許劍中，吳越王劍是精品。越王勾践剑劍體个菱形暗格紋、劍首个同心圓搭複合劍體為人稱道。

吳越爭霸

《春秋》記載，吳越交兵至少有十趟，分别是閽刺吳王餘祭、吳滅巢與鍾離之戰、檇里之戰、柏舉之戰、越襲吳之戰（前505）、槜李之戰、夫椒之戰、越襲吳都之戰、笠澤之戰、滅吳之戰。

吳國在滅爻邗國後，搭楚国產生衝突。前506年，伍子胥搭孫武輔佐下頭，吳王閣閭打進楚國，来勒柏舉之戰大敗楚國，吳軍攻入郢都，楚昭王出逃隨國，吳國雄霸東南。

允常死脱以後，勾踐繼位。吳王闔閭攻越，输脱，自家也死脱，兒子夫差繼位。夫差為咾復仇，興兵伐越，勾踐忖要先發製人，便先攻吳。夫差来勒夫椒之戰敗越軍，来勒会稽山拿勾踐围起来。勾踐獻禮求和，阿末夫差畀勾踐放轉越國。

夫差北進中原爭霸。前482年，黃池會盟，勾踐再襲吳，佔領吳都，兩國議和罷兵。

前478年，吳國飢荒，越國再攻，笠澤之戰裡頭，兩國優勢逆轉。

前475年，越國再次興兵，吳國長年征戰，精疲力竭，退轉都城死守，越軍圍困三年，最終越滅吳。

勾践並吳，徐州會盟，受封伯，稱霸王。

楚國

越國北進，伐田齊，畀齐宣王噱仔打楚国。楚怀王击败越軍，越國要么归顺楚国，要么自家立王。

東瓯

浙南有東甌部落，是百越一支，地處浙南个溫州、台州、麗水許宕地。有記載寫，佢開國君主是无疆伐楚失敗後，留落來个後裔次子歐陽蹄，但有爭議。

中古時代

秦漢時期

秦朝

秦滅楚後，降越君，置會稽郡，吳越宕地形式上頭成秦會稽郡个一塊，郡治在吳、越兩國故都吳縣。前211年，秦王政自稱始「始皇帝」，建立集權，征伐四方。

前209年，秦二世元年，天下反秦，六國舊部尋機復國。项羽襲殺會稽太守，領八千江東子弟起兵。秦王子嬰降刘邦，項羽軍殺子嬰，拿咸陽宮烧脱，秦亡國。

漢朝

前202年，劉邦击败項羽，建漢，仍置會稽郡，一度封吳國。

東甌國受漢廷冊封，成外諸侯國，後因之吳閩戰爭內附汉朝。

前157年，漢景用晁错，削藩，吳國咾啥个七國用「清君側」个名号造反，输脱。

東漢，會稽治所搬到山阴，吳縣变成功吳郡治所。

漢末孫吳

漢末

東漢末年，王朗同嚴白虎佔據浙江一带，後富春人孙坚搭佢兒孙策、孙权一統江東。孫策臨終，命二弟孫權執掌江東，一面鎮壓山越，一面貤三征黃祖。

赤壁之战，以少勝多，火攻大破曹軍，曹操北退，从此三國成鼎立之勢。

周瑜死後，孫權從魯肅建議，分荊南四郡畀劉備抗曹。劉備取蜀後，孫權索要荊州三郡畀拒，派呂蒙奪取。阿末雙方恢復同盟。

219年，關羽北伐曹魏，水淹七軍；呂蒙提議乘枪势里奪取江陵、襄陽搭白帝城，白衣渡江，襲殺關羽。

220年，曹操死，曹丕繼，孫權先向曹丕稱臣。

孫吳

222年，鎮西將軍陸遜大敗蜀軍，孫權因之面臨曹魏進攻，貤出使搭劉講和。劉隨後死勒白帝城，諸葛亮遣邓芝為使，吳蜀復孟。同年，孫權拒绝送儿子孫登做人質，斷絕同曹魏个同盟，立年號黃武。

229年，黃龍元年，孫權稱帝，國號吳，改元黃龍。

241年，孫登薨逝，孫權立孫和為太子，封孫霸為魯王，引發「南魯黨爭」，最後孫亮畀立太子，孫霸畀賜死，舉國分歧。

252年，孫亮即位，改元建興。诸葛恪、孫峻多次北伐，都嘸得果。

曹魏滅脱蜀以後，司马昭儿子司馬炎代魏受禪稱帝，建立晋朝。274年，陆抗病死。280年，司馬炎派兵打吳，孫皓投降。

越人部落

歷經秦漢帝國郡縣統治搭孫吳時期个編戶，一部分越人畀汉化爻。但在郡縣制嘸及宕地，尤是山地海濱，一向有大量个越人原住民部落在墶。

山越

孫吳時期，山越搭各地「宗部」便常年搭吳軍打仗。晋朝开始，「山越」箇詞个用法逐漸消失。

兩晉南朝時期

来勒建康建都个南方六王朝，包括爻孫吳、東晉、劉宋、南朝齊、南朝梁、南朝陳，也叫「六朝」。箇辰光，六朝詩、六朝志怪盛行，儒家、佛教、玄學、道教蓬勃發展，成為社會文化个代表。

兩晉

吳降晉後，吳越宕地受晉國統治。318年，「五胡亂華」情勢下頭，晉室南遷到建康，大批中原貴族和士大夫隨之搬到建康周圍搭太湖边丄，箇是衣冠南渡。

隆安年間，因之對上層士族个門閥統治弗滿，五斗米道教主孙恩来勒會稽八郡起義。佢兵敗後同部眾投海，佢妹丈卢循後貤起兵，也兵敗投海。

南朝

418年，刘裕改立晉恭帝，篡位建國劉宋，東晉亡，「南朝」开始哉。440年，北魏統一北方，搭劉宋南北對峙。

將軍蕭道成獨攬朝政，来勒479年篡位建國南齊，刘宋亡。502年，蕭衍来勒太子蕭寶卷弟南康王蕭寶融轉京前篡位，建國南梁，南齊亡。

梁武帝用東魏降將侯景北伐東魏，武帝兄畀俘獲後佢打算用侯景交換，因之侯景反叛，圍攻建康，史稱「侯景之亂」。最後，城破，梁武帝畀饿死。

551年，廣州刺史部个番禺郡太守，吳興人陈霸先搭湘東王蕭繹派遣个王僧辯聯合攻滅侯景，後陳霸先因立王問題殺王僧辯。557年篡位，佢建陳，史稱南陳，是陳武帝，南梁亡。

陳武帝安撫僑姓世族搭吳姓世族，先擊潰王琳北齊聯軍，再據守巴丘阻當北周，穩定國勢，之後復甦江南經濟。

577年，北周南征兩淮，陳軍慘敗。581年，楊堅建立隋朝。陳宣帝死後，太子叔寶繼位，是陳後主。588年，隋文帝派楊廣滅陳。

隋唐時期

隋朝

隋文帝去脱郡級，鞏固集權，廢除選官，設立科舉，控管江南大族。

在佢在位辰光，為轉運江南物資鞏固開支，也為南北航運，修建爻大运河。

604年，儿子楊廣宮變繼位，繼續興建運河，大修宮殿，四處征討，拓展版圖。掘河民伕死傷慘重，民變四起。

唐朝

617年，李渊来勒太原起兵，618年建唐。619年，李子通攻克江都，建國號吳，後畀杜伏威个將領輔公祏擊敗。輔公祏降唐，後貤反唐，兵敗被殺。

唐太宗時期，三省六部搭科舉選士制度形成。貞觀元年（627）開始，太湖流域个糧食物產開始畀徵調到北方去支援戰爭。

高宗中期後，皇后武则天協政，後些来帝後共治。佢因之搭唐中宗不合，另立四子，阿末自立皇帝，改國號為周，即武周。晚年，中宗貤復辟唐，是神龍革命。

玄宗時期，府兵制崩潰，設置九节度使。755年，安祿山以討伐楊國忠為名叛變，史稱安史之亂。箇後，唐失關東，江南来勒賦稅佔比迅速上升。

758年，唐設鎮東軍節度使，即浙江東道觀察使，治所来勒越州，下头管理越州、睦州、衢州、婺州、溫州、台州、明州、處州。770年，廢為浙東觀察使。779年，搭浙西觀察合併，780年，兩浙貤分割。781年，兩浙合併成節度使，787年，兩浙分割，浙東長轄越州、衢州、婺州、溫州、台州、明州、處州，相當於衢江流域、浦阳江流域東面。中和之後，建號義勝軍（883年）、威勝軍（887年）、鎮東軍（896年），乾寧年间，浙西个錢鏐來畀許兼併爻。

唐懿宗同唐僖宗即位个辰光，政局混亂，經濟命脈江南畀破壞。875年，黃巢来勒冤句起兵相應王仙芝，後南下掠奪南方，大肆屠殺，入長安後稱帝，號稱大齊，史稱黄巢之乱。箇辰光，唐帝已然变成功藩鎮角力个戰利品。904年，朱全忠杀脱皇帝，另立唐昭宗儿子李柷，後些来又自家建国後梁，唐亡，五代十國開始。

吳越國

唐末

唐末大亂个辰光，為抗王郢搭盜賊，杭州宕地地方武裝組織民圖，石鏡都鎮將董昌作總指揮。

879年，錢鏐率石鏡鎮兵阻擋黃巢軍，保全杭州。董昌後些来佔领杭州，任錢鏐都指揮使，管理杭州八都。882年，浙東節度使劉漢宏畀八都兵打败。886年，錢鏐擊破劉漢宏軍，佢走去台州，後台州守將杜雄畀佢獻畀錢鏐。893年，錢鏐被唐封作鎮海軍節度使。

895年，董昌来勒越州自立為帝，國號「大越羅平」，年號「順天」，錢鏐勸佢去號，但佢弗肯。後董昌聯合淮南楊行密襲蘇杭，錢鏐得著唐令，領八都兵伐董昌，攻克越州。

吴越国

907年，錢鏐畀封作吳越王。923年3月12号，佢畀后梁封作爻吳越國王，建國吳越。

947年，吳越國出兵援助福州軍閥李仁達抵抗南唐。戰後，福州歸附。故咾，吳越國轄一軍十三州：杭州（首都）、越州（東府）、湖州、溫州、台州、明州、處州、衢州、婺州、睦州、秀州、蘇州、福州搭安國衣錦軍。

兩宋時期

北宋

978年，北宋大軍壓境，吳越國君臣商議過後，獻土降宋。宋國来勒吳越國搭南唐東部設立兩浙路。

近古時代

近世·近代

晚清時期

中西接觸

中國長期自认为天朝上國，认为外國侪是蠻夷或者藩屬，因之，清廷自認洋人來華是傾心慕化搭納貢稱臣。當時節，英國人相信假使搭乾隆建立良好溝通，佢會命使地方官員改革，增開口岸。1787年，英國遣使團訪華，但佢勒路中央便死爻。

1792年，马戛尔尼訪華，帶有各科專家，先進物事，意在彰顯文明。等佢見著皇帝，佢侇因之跪拜禮節上頭意見不一，让乾隆不高兴。弗過，佢最終妥協，呈送國書。佢書面列出請求，要清國廣開口岸、列明關稅、允英商暫時居留，但侪畀駁回爻。打道轉府時節，佢由軍機大臣搭兩廣總督伴送，取道運河，來到吳越地區，經過杭州、到廣州轉英。伊来勒中国五個号头，看到交关事体，来勒日記当中记录社會實情，感嘆清國个老百姓知識淺陋、生活困苦，國家武備廢弛，官員貪污腐敗。

1816年，嘉慶廿一年，英國再派使團到爻天津，貤碰著跪叩禮節問題，因为拒絕行三跪九叩禮，阿末畀驅逐。

第一趟鸦片战争搭南京條約个簽署

關係官方化

1832年，道光十二年，英國取消東印度公司个貿易壟斷，任命上議院議員、海軍將官内皮尔（William J. Napier）作駐華商務總監，箇事干標誌爻中英關係个官方化。1834年，佢抵到澳门，致信兩廣總督盧坤要求平等外交關係，弗等奏明，便先到廣州商館，投遞公函，嘸人願收，引发律劳卑事件。

之後，巴麥尊重掌外交部，同年，来勒新加坡救起中國水手，期望促進「和平與友好的關係」，通知兩廣總督鄧廷楨，但佢依舊認為「蕞爾小邦」弗配搭「天朝上國」並論。

虎门销烟

1729年（雍正七年），雍正便頒布爻禁煙令。但是中国人需要大煙，英國商人也好撐鈔票，箇中央大量銀錢外流，引起朝廷關切。清廷屢屢再發令禁煙，但效果弗好，滋生爻地方官員个監守自盜，朝廷裡向也吵个弗停。

湖廣總督林則徐提出六點方案，来勒佢轄區裡頭實施。道光蠻滿意，遷林則徐到廣州查辦海口事件，史稱虎門銷煙。佢要求外商三天里向交出大煙，弗然便要收貨殺頭，每交一箱好賠畀商人五箱茶葉，但弗賠鈔票。洋商扣開始認為佢是行事敷衍，直到佢逮捕顛地，威脅佢自首，才謳英国政府驻华商务总督義律來處理。结果義律畀林则徐圍勒商館里向，屈服。

1839年，林維喜案發生，林則徐要求義律交出水兵殺頭，但義律堅持依照英國法律程序審判爻六人。隨後，林則徐封鎖澳门，斷英国人个粮食，兩天以後，驅逐佢侇。義律帶兵船要求買糧，未果，兩國交火。

10月25號，林則徐對弗听佢命个船下令，三天里向必須入港或者返程，要弗便縱火燒船。11月3號早界，關天培發兵船開向英艦，英國開砲，穿鼻之戰爆發。隨後，佢奉道光命全面封鎖，畀英人斷水斷糧。

同期，澳葡政府对查禁大煙相当上心，葡萄牙商人侪承诺弗卖大煙，欢迎林则徐亲临查办，照样正常贸易，甚至多有保护。

遠征報復

英國內閣議會決定派先遣部隊待命，準備報復。

1840年7月份，英军搭清军来勒舟山開戰，英軍顺利登陸佔領定海。後些来，英軍繼續北上，直逼大沽口，道光皇帝妥協，派琦善来勒大沽口談判。琦善搭道光意見弗合，談判最終嘸果。義律失去耐心，英軍炮轟虎門砲台，總攻虎門，清軍潰敗。義律要求停戰談判，船丄掛白旗畀襲擊，報復進攻，佔領廣州。

楊芳、怡良、林則徐三人表面同意談判，但瞞報朝廷，因之繼續禁止通商。英軍再次進攻，三日後，廣州城投降，廣州知府来勒朝廷弗識个情況下簽《廣州和約》賠款，之後，英國撤軍。

北上入浙

英國方面，巴麥尊弗滿義律私擬个草约，派璞鼎查任新个全權駐華代表。英軍第二次北上，閩浙戰爭爆發，英軍貤一次攻陷定海，後貤佔領鎮海過冬，貤打落來寧波个威遠城池，佔領縣城。為仔報復，道光殺爻大部分来勒臺灣擱淺畀清軍抓牢个英國戰俘。

1842年，英國佔領並让舟山搭香港變成功自由港。3月10號，寧波戰役爆發，15號，英軍佔領慈溪，清軍退到紹興、杭州。道光帝派人「先剿後撫」，對佢遣个耆英「羈縻」弗滿。英軍繼續进攻，攻陷乍浦。

英軍繼續北上，進攻吳淞口，佔領上海，之後貤撤出，封鎖吳淞口，直逼鎮江。期間，上海畀撤退个清旗人、英兵搭當地平民洗劫。7月21號，英國進攻鎮江，切斷爻大運河漕運。8月9號，英軍兵临江寧城下，城內官員同意談判。

兩國簽約

8月21號，道光来勒英國堅持下頭授權簽約。8月29號，英國軍艦康沃利斯号（HMS Cornwallis）上頭，大英帝國搭大清帝國代表簽署《南京條約》，戰爭結束。條約規定爻要再開四隻口岸，外國商人得著自由貿易權，英國領事得著搭地方官个溝通權，關稅由兩國協定，清廷搭英國支付戰爭搭大煙賠款，放走全部戰俘，赦免搭英人合作个臣民，英國在第一期賠款到賬後，會撤出軍隊，弗干涉中國貿易，但會留在鼓浪嶼搭招寶山（寧波），直到賠款全部解清。同時，香港岛作為直轄殖民地，畀清國永世割畀維多利亞女王。

中華民國時期

浙江東南島嶼戰爭

1949年，長江江防畀解放軍突破爻，國軍失去東南各省，退到沿海島嶼上頭。

1950年5月，浙江省政府機構搭人員隨國軍撤到台灣，省政府搭浙南行署撤銷。

弃守舟山之後，中華民國僅有在浙江東南个大陳列島（台州列島）、一江山、披山、頭門山、漁山、南麂等島，撤到島頭个縣政府包括爻溫嶺、臨海、黃岩、平陽、三門、樂清、玉環七隻。

1951年9月，蔣中正派胡宗南到大陳島建立江浙總部，還重设浙江省政府，搭解放軍繼續打仗。

1952年，浙江省政府七縣合併成溫嶺、臨海、平陽、玉環四縣，三門縣畀改成漁山管理局，還設爻竹嶼管理局，佢侇原來是搭大陸直接貿易个特區，赫一年後便裁爻。

1953年，蔣中正改成守勢，浙江省政府遷到台灣，當地再設爻一隻大陳地區行政督察專員公署。

1955年1月20日，解放軍攻陷一江山島，美國第七艦隊保護下頭，中華民國政府畀大陳島上頭个軍隊搭居民撤到台灣，隨後撤出南麂，浙江全境易手。