User:クフィ/fūng-mié

Zhȳ-sīn dū-vēng

依夫城堡（法文：Château d'If），造拉马赛非乌勒群岛上个城堡。

1516年辰光，法国国王弗朗斯伐一世（François I^er）来玛里娘打仗，一落头地打到马赛。从依夫岛望，渠分析马赛根本呒不防外侵个防卫设施，怪得渠命令来岛上造一个防卫城。隔脱仔8年，西班牙国王卡洛斯一世只想吃落马赛。虽然讲特派大臣米朗达勒拿进攻部队打退哉，不过箇事体还讲明一个问题：城市进口个防卫要加强。箇年，也便是1524年，第一批城墙开造咾，望渠里好保护港口，外加派仔两百个兵搭廿二门大炮摆勒岛上。

马赛人弗买账，还搭箇只城堡起着只绰号叫“讨惹厌个邻舍”。马赛人开始争论箇城堡，因为来1481年前，马赛弗是法国领土。怪得对渠里来讲，城堡是法国国王对马赛掌权个象征。

城堡最终来1531年造好。西班牙国王卡洛斯一世后歇来登1536年也亲自进攻马赛，不过渠登拉城堡边上兜仔几圈，终归还是呒没办法拿渠攻下来。

依夫城堡造好交关年数之后，大约莫来16世纪中期，渠多仔一项监牢个功能。为仔城堡个地理位置搭建筑风格咾，渠变成理想个监牢，难板有人逃得出。只要有人拿城堡守牢就好哉，外加城堡也从来朆有人来进攻。

但必过，依夫城堡真正出名是因为一本书：大仲马个《基督山伯爵》。箇本小说个主人公艾特蒙·堂戴斯就是关勒依夫城堡里向个。

所有顶崭个文章 | 所有好文章

Nì-nūng hiàu-tek vā

何里一只地铁工程提升昆山到苏州市中心个直达效率？
上海市浦东新区 何里一座（图）公园来勒长江口搭仔吴淞口个交界处？
啥个品种个鸡是做白斩鸡个原材料？
除脱汉字，上海闲话还可以哪亨写？
佛教天台宗个祖庭叫啥？
2019年香港爆发个反送中运动导致2020年全国人大常委会制订仔啰里部法律？

Ngū-ngèi siāu-sik_Beta

澳洲籍作家楊恆均㑭判死緩兩年。人權搭女權行動者李翹楚㑭判有期徒刑。
上海浦東機場一度弗容許網約差頭接客。
中國證監會打擊「惡意做空」，撤調證監會主席。
英國國王生癌。
剛巧過去个2024年1月份是有記錄以來頂熱个1月份。

更多消息…

Sīn-vēng

12月29号，韩国济州航空 2216号班机来勒务安国际机场降落个辰光冲出跑道，撞上围栏，发生爆炸，只活下来2名机组成员。
12月27号，076型两栖攻击舰个首舰四川号来勒上海下水。
12月27号，上海市域铁机场联络线（图）首通段通车，是中国国内头一条好帮国铁网络互通互联个市域铁路示范工程。
12月24号，著名翻译家、烧伤医学专家钱绍昌逝世，享年94岁。
12月22号，沪嘉高速-嘉闵高架联络线个建设塔吊伸进11号线运行区间，帮列车撞勒一道，线路运行中断。
12月20号，德国萨克森-安哈尔特州首府马格德堡个圣诞市场出现汽车冲撞袭击，至少5人死脱，205人受伤。

更多新闻…

Ngū-ngèi ká-zhiàu

Nì Ngū-ngèi kòng tek-lāi vā? Ngū-ngèi zỳ hóe-ngèi-zuk lì-lóng kek ih-ciùng ghāe-wó, lih-sỳ kāu-kuāe yēu-kièu. Kòng Ngū-ngèi kek nīn téng lek Kōng-sū nē-mié, Cieh-kōng dóu bèu-véng, cìng-kek Zhiáng-hài, Ōe-hiū nē-mié tah-tzȳ Fuk-kié, Kōng-sī shiàu bèu-véng jiang-huó. Yèu 100-ciak wāng-lì yōe-zhỳ thūng-ghōng Ngū-ngèi, nīn-khèu 8070-váe kuōng-kìng (2015-niāe), lài-lek hóe-ngèi-zuk ngèi-ngiē lì-hiáng bā dí-liàng yú, shí-ká--lóng bā-mīng dí-zhih. Ngū-ngèi yèu-tek kāu-kuāe ciùng sȳ-sià yí-thúng, Hóe-zý--mek zỳ tìng-tìng ghōng tah jiōe-thúng kek.