孙吴

吴国（吴拼：Ng-Kuek，222年—280年），是东亚在古典时代晏期建立过个一只吴越人本土政权。居个国家个是吴郡富阳孙氏建立个。公元222年，孙权获得曹丕册封个吴王，正式建立王权，改元黄武。七年之后（229年）四月，孙权正式自立称帝，国号吴，改元黄龙。280年，西晋攻击吴国得手，吴国末主孙皓畀捉到洛阳，吴国灭亡，三国也到此结束。

中国历史系列文章
史 前 时 代			旧石器时代
			中石器时代
			新石器时代
			黄河文化				长江文化
传说时代 （三皇五帝）
夏 约前21世纪–约前16世纪
商 约前17世纪–约前11世纪
周 前11世纪 | 前256			西周 前11世纪–前771
			东周 前770–前256			春秋 前770–前476
						战国 前476–前221
秦 前221–前207 西楚 前206–前202
汉 前202 | 220			西汉 前202–8
			新 8–23
			玄汉 23–25 东汉 25–220
三国 220–280			魏 220–265			吴 229–280		蜀汉 221–263
晋 265-420			西晋 265–316
			东晋 317–420			十六国 304–439
南 北 朝 420 | 589			宋 420–479			北魏 386–534
			齐 479–502
			梁 502–557 后梁 555–587			西魏 535–557		东魏 534–550
			陈 557-589			北周 557–581		北齐 550–577
隋 581–619
唐 618–907 武周 690–705
五代十国 907–979						辽 (契丹) 916–1125 西辽 1124-1218		定难军 881–982 西夏 1038-1227
宋 960 | 1279			北宋 960–1127
			南宋 1127–1279			金 1115-1234
大蒙古国 1206–1271 元 1271–1368 北元 1368–1388
明 1368–1644 南明 1644–1662
后金 1616–1636 清 1636–1912
中华民国 1912至今
中华民国 （台湾）						中华人民共和国 1949至今
中国历史年表

吳越歷史年表
史前 時代 前9000 | 前12世紀		上山文化
		跨湖橋文化
		河姆渡文化
		馬家浜文化
		崧澤文化
		良渚文化
		錢山漾文化
		好川文化
		肩頭弄文化
		馬橋文化
甌越 前12世紀﹣前306			勾吴 前12世紀﹣前473				於越 前12世紀﹣前306
東甌 前472﹣前138
			楚 前306﹣前222				越人部落 前12世紀-？
			秦 前222﹣前209
			西楚 前209﹣前201
		汉 前202﹣196		吴（刘濞） 前202﹣前153
孙吴 196﹣280
晋 280﹣420				孫恩 盧循
南朝 420 | 589			宋 420–479
			齐 479–502
			梁 502–557
			陈 557–589
隋 589﹣618						高智慧 刘元进 沈法兴
唐 624﹣907						陳碩真 袁晁 裘甫 董昌
吴越 907﹣978					杨吴 902﹣937
					南唐 937﹣975
宋 978﹣1276						方腊
元 1276﹣1355						杨振龙 陈空崖 方国珍
張士誠 1355﹣1367
明 1368﹣1644 南明 1644﹣1646						汪直 胡乘龍 叶宗留
清 1646﹣1911						张念一 钱宝通
						太平天国 1853﹣1864
						上海公共租界 1845﹣1943
						上海法租界 1849﹣1943
浙江軍政府 1911﹣1912		江蘇都督府 1911﹣1912		滬軍都督府 1911﹣1912
中華民國 臨時政府 1912-1913
北京政府 1913-1927				浙江省 1913﹣1916
國民政府 1927-1948								日本 1937﹣1945 上海市大道政府 1937
中華民國政府 1948-1955
中华人民共和国 1949﹣今
注：所標年份依照政权统治吴越地区个辰光

孙吴个政治中心历史丄有几次迁徙，从吴（苏州）到京口（镇江）建铁瓮城，再迁到建业（南京）建造石头城，再迁到武昌（鄂州）建吴王城，末脚貤从武昌走转建业。

国名

孙权占据著扬州、荆州、交州，地处长江中下游一带，春秋个辰光吴国就建在居场，曹魏也封过孙权为吴王，为之史称孙吴；貤因为伊个政治中心在江东，也称东吴。

历史

父兄奠业

孙氏在东汉挨末阶段个黄巾教乱当中崛起，孙权个阿伯孙坚，居歇辰光参加著东汉土豪地主个平定叛乱活动。后首来，貤到内亚作战。之后，畀汉帝国派到长沙当著太守。董卓丧乱辰光，孙坚搭曹操、袁绍、刘备排人一淘，参加关东联军，功立著弗小，进驻洛阳。到公元191年（初平三年）征讨荆州辰光死脱。之后，渠场大儿子孙策接班，成为二代目。为著保存实力，投奔到袁术个地盘，并且恢复兵力。四年之后，孙策借因头替袁术讨伐叛乱，南落到江东个吴越地区，趁机扫平刘繇、严白虎、许贡，让会稽太守王朗投降，昰然，担会稽、吴郡、丹杨区域全收在渠自个地盘里向，从此开始对江东个统治。199年，袁术死脱，孙策趁机攻击庐江，兼并袁术个势力，之后，进攻江夏，击破皇族，劝降豫章太守华歆，让孙家个势力接落拓展。许然届，蛮多人觉著渠有吞并天下个势力。弗过孙策运道弗大好，无几许辰光便死脱，有讲法是渠得罪著许歇吴越地区道教神仙，挨著报应。

地盘巩固

孙策死脱之后，渠场阿弟孙权继位，成为三代目。孙权许歇只有十八岁，大部分决定全交畀孙策信任个张昭、周瑜定夺。203年到208年里向，孙权三趟进攻黄祖，担渠杀脱，让甘宁归顺自家。之后，貤派蒋钦、贺齐讨平山越人个起义。

208年（汉建安十三年），孙权担自家个基地从吴郡(乃朝苏州）迁移到京城（乃朝镇江）。就在昰个一年，荆州军阀刘表死脱，曹操南落，刘表个儿子刘琮头像。流窜军阀刘备也在长坂畀曹操军队击破著。之后，曹操大军开始逼迫孙权集团。经过争论，孙权决定搭曹操开战，为此，任命周瑜当大都督，用黄盖个计谋，火攻曹操，在赤壁摧毁爻北方军队。曹操惨败，之后无别个机会吞并江东。赤壁之战也成为名震千古个战役。后首来担昰只战役归功到诸葛亮头上，是小说家瞎七搭八懵写个结果。

之后孙权继续搭刘备联盟，获得著蛮多江北、荆州个土地。貤差步骘到岭南，控制交州。211年，孙权听张纮建议，担首都从京城搬到秣陵，修造石头城，担此地名字改成功建业，昰个也是南京成为首都个开始。

荆州征讨

孙权老早便认为荆州应该是自个领土，赤壁之战后，为著照顾刘备再租畀渠个。刘备后首来得著益州之后，孙权认为刘备已经有自家领土，就问渠讨还。刘备赖账，恐吓孙权，差渠个大将关羽镇守荆州，关羽对孙吴派过来个使臣一眼也弗客气，常庄侮辱。昰然，孙权便坚定著要担居帮流窜集团灭脱个决心。

219年（建安廿四年），孙权搭曹操称藩，让吴越名将吕蒙担任都督，利用关羽望北向攻击曹操集团个机会，一路披靡，包抄关羽后路，成功斩杀关羽，担刘备个势力从荆州彻底灭脱著。因为搭刘备集团关系推板险，孙权结交曹操集团，曹操搭渠场儿子曹丕也为著拉拢渠，频繁赏赐。221年，孙权派陆逊在夷陵之战击破刘备，巩固渠自在荆州个统治。刘备之后死脱，诸葛亮便恢复著搭孙权个关系。

大吴立国

公元222年（黄武元年），曹丕攻击吴国失败，后首貤两趟攻击吴国，也无何收获。之后，周鲂在石亭合战当中击溃曹休，从此魏国廿几年弗敢主动攻击吴国。229年，孙权正式登基称帝，国号吴，改元黄龙，昰个便是大吴帝国。之后，孙权担主要精力摆在平定内部山越搭扩充吴帝国朝廷个直辖军队上向，之后十几年，渠多趟派人讨伐山越，貤派人到海外去捉奴隶。其中有一趟，抵达著㬮朝个台湾。孙权老年之后，继承人发生问题，在渠自个三儿子孙登搭四儿子孙霸两个人里向缠弗灵清，引发著两宫之争，名臣陆逊咾十许个大臣全畀逼煞。吴越个士族也分成功著两边，相互攻击。末脚，孙登个太子身份废脱，孙霸畀赐死。小儿子孙亮当著太子。

诸帝更迭

公元252年，孙权死脱，孙亮即位，许歇渠只有十岁，衹好喊诸葛恪、孙弘、孙峻等担当辅政职务。居年，诸葛恪在东兴合战破爻魏国司马昭，北方军事集团貤一趟畀吴越人赶来跑著。弗过，辅政大臣里向权力斗争也邪气激烈，诸葛恪第二年畀孙峻阴谋杀脱，之后渠场阿弟孙綝继承地位，成为权臣。昰个人残暴险，杀脱著蛮多重要将军搭士族。到258年，貤担孙亮废脱，让孙权个第六个儿子孙休继位。孙休统治个辰光，貤灭脱著孙綝。许歇，国内事干比较少，渠对老百姓也蛮好，弗过，土豪集团内部斗争个问题还是蛮严重。264年，孙休死脱，北向个曹魏恰恰灭脱著蜀汉，并且劝降交趾。吴国担心拣著一个小皇帝上位，会有越加多个问题，便拣著孙权个大儿子孙和(老早就死脱，弗曾继承皇位）个大儿子孙皓即位。

好大喜功

孙皓作为皇太孙是蛮来事个，弗过因为成长环境比较曲折，性格邪气残暴。即位之后头两年，还施行比较温和个策略。弗过之后就开始大兴土木，好大喜功。渠觉著吴国玱朞畀司马家个晋帝国包围，唯一个办法只有主动进攻，再好获得对峙个可能。之后，吴国经常对晋国进行攻击，弗过因为国力相差大险大，除脱收复交趾算成功之外，全比较失败。昰个里向，吴国个重臣陆抗、陆凯鞠躬尽瘁，尽量为孙皓个幻想做著支撑。弗过大部分吴越士族全是弗支持自家帝王个作死策略个。

272年，陆抗在西陵之战攻破晋军，让孙吴个战略压力小脱交关。孙皓貤认为个是一只攻击晋个好机会，频繁动武，结果反倒分格消耗著渠自个势力。

亡国搭复国运动

279年，平定后防鲜卑进攻个晋帝国开始对吴帝国进攻。孙皓对晋国大规模进攻弗曾设防，指挥也邪气混乱，错过著蛮多机会。昰然，到第二年五月，晋国人兵临石头城，孙皓衹好投降。西晋封渠归命侯。

亡国之后，吴越人地位一落千丈。老早吴国个文武百官在晋帝国地位“同于编户”，貤畀迫遭受北人歧视，为之，吴越士族基本全邪气怀念吴帝国。吴帝国灭亡之后三十许年辰光当中，局部地区有多趟复国运动。比方讲：公元310年（晋永嘉四年）吴兴豪族钱璯利用晋帝国即将覆灭个机会，自称平西大将军、八州都督，扶持孙皓个儿子孙充当吴王；弗过之后貤杀脱渠，昰个动乱后来畀周玘平脱。 公元318年（晋太兴元年）十一月，孙皓另外一个儿子孙璠起义，反对东晋流亡政权，失败，牺牲爻。

内政

吴在政治丄大体伉东汉相近，地方丄还是实行行州郡制，中央方面也是一色。唯一弗同个是东吴主要受江南本地豪族影响，单是在朝朝臣，有弗少顾姓人士（像顾雍）、朱姓人士（像朱桓）、陆姓人士（像陆逊）搭张姓人士（像张温），就是后来畀称为吴四姓个吴郡四大家族，箇眼士族全是江南个望族。

疆域

吴帝国个疆域在孙策个辰光就有九州当中个扬州个大部分。孙权在赤壁之战后陆续获得著荆州西部、交州，在打败关羽后获得著整个荆州南部。到孙权称帝后疆域再稳定下来。孙吴元有三州（荆州、扬州、交州）三十二郡；226年设置广州，后并入交州。到264年复设，增加一州。盖咾，吴帝国个领土主要是东亚大陆东南部分，照汉帝国个十三刺史部划分，拢总四只州。疆域范围北向到庐江郡，南向到日南郡，西向到交趾郡，东向挨牢东海。

思想

经济个发展，搭外界交往个增加，促进著吴越文化个提高，出现著一批知名个经学家搭文史之士，像虞翻、陆绩、韦昭然。佛教开始在吴越地区传播，居士支谦从洛阳南来，世居天竺个西域僧康僧会稍晏从交趾北上。渠场在建康译经传法，影响交关大。道教在南方民间继续流传。

帝系

孙吴君主搭年号

庙号	谥号	君主名	在世时间	年號	年期	陵墓
始祖	武烈皇帝	孙坚	155年-191年	－	－	高陵
－	长沙桓王	孙策	175年-200年	－	－	－
太祖	大皇帝	孙权	182年-252年	黄武註1 黄龙 嘉禾 赤乌 太元 神凤	222年-229年 229年—231年 232年-238年 238年—251年 251年—252年 252年	蔣陵
－		孙亮	252年-258年	建兴 五凤 太平	252年—253年 254年—256年 256年—258年	－
－	景皇帝	孙休	258年-264年	永安	258年—264年	宣陵
－	文皇帝	孙和	224年-253年	—	－	明陵
－		孙皓	264年-280年	元兴 甘露 宝鼎 建衡 凤凰 天册 天玺 天纪	264年—265年 265年—266年 266年—269年 269年—271年 272年—274年 275年—276年 276年 277年—280年	－
註1：孙权受曹操册封吴王后，于222年自立年号黃武，至229年方称帝建国。 註2：吴国灭亡后，晋武帝孙皓封为归命侯，史称吴末帝。

参考文献

• 《三國志》，陳壽著，裴松之注
• 《後漢書》，范曄著
• 「三國吳兵考」，陶元珍著，載《燕京學報》第13期，上海書店，1983年影印本