Wikipedia:红茶坊/存档7

箇是老早讨论个存档，弗要编辑本页个内容。如果侬要发起新个讨论或者重启老早个讨论，请访问当前讨论页。

弗用斜体

因为汉字呒不斜体，排版一般性用楷体、仿宋等代替。我试下来觉着屏幕上宋体比较清爽，就改着MediaWiki:Common.css，拿HTML个em元素（界面文字用得比较多）显示为正体宋体。例子如下：

• The quick brown fox jumps over the lazy dog.
• 林花谢了春红，太匆匆。无奈朝来寒雨晚来风。

大家看看还好哪亨改进，弗来事回退也可以。--Lt2818（讨论） 2020年8月3号 (一) 17:55 (CST)

蛮好。MirrorWuu（讨论） 2020年8月11号 (两) 22:28 (CST)

继续管理员速删条目模板个话题

有得2位用户对此管理员速删条目有得疑虑，所以特此再开话题。

我认为目前需要界定快速删除个标准。另外有些条目模板管理员根据自家判断认为弗要，可以先考虑重定向到类似个条目，让其他用户有得辰光来检查搭讨论。MirrorWuu（讨论） 2020年8月11号 (两) 20:03 (CST)

还是伊个事体

关于渠是伊个正字个事体有勿有更好来源？如果嘸个话，贸贸然删伊用佢不是好事；即使确实是渠，考虑到粤语区并不真正使用“渠”而是用“佢”，似乎还是可以用“伊”，毕竟“伊”被吴语区民国文人一度升格为正统书面语过。慎言慎行老法师（讨论） 2020年8月19号 (三) 16:14 (CST)
目前我阅读下来的论文资料基本上都把渠和伊看作并列的两个第三人称用词，而不是将渠看作伊的正字，并且我目前尚无论文能讲明伊的来源，最接近的论文是：https://www.xzbu.com/9/view-7564505.htm
慎言慎行老法师（讨论） 2020年8月19号 (三) 16:47 (CST)
@安提白象：也就是说，是不是可以把伊定为正字使用？慎言慎行老法师（讨论） 2020年8月19号 (三) 16:57 (CST)
（比较学术的事情还是不习惯用吴语，就用书面语了）慎言慎行老法师（讨论） 2020年8月19号 (三) 17:01 (CST)

我觉着写“伊”完全呒不问题，已经是约定俗成个写法唻。作兴“伊”来源于“渠”，但必过发音已经改变，写“渠”就弗大合适唻。--Lt2818（讨论） 2020年8月21号 (五) 23:53 (CST)

@Lt2818：完全没有任何学术性研究支持“伊”来源于“渠”，反而认为“伊”和“渠”是并驾齐驱的两个字，因此“伊”完全就不应该写作“渠”。“伊”是“所谓伊人在水一方”的“伊”的衍变。慎言慎行老法师（讨论） 2020年8月22号 (六) 07:59 (CST)

是个。搭原生一样，也弗叫衍变唻。--Lt2818（讨论） 2020年8月25号 (两) 14:39 (CST)

@慎言慎行老法师：该篇文章从声调角度解释着侬个问题。乃朝写“伊”是比较合适个。--Lt2818（讲张） 2021年8月20号 (五) 21:58 (CST)

一些自动生成个分类个翻译

看到有得一些分类还没翻译。比如[[Category:有地图的页面]]、[[Category:分类使用ISBN魔术链接的页面]]、[[Category:分类有参考文献错误的页面]]。请问迭些自动生成分类是从啥个地方出来个。弗晓得哪位老师傅能解答下，顺便翻译下。尤其是“的”，最好翻译成“个”。谢谢 MirrorWuu（讨论） 2020年8月22号 (六) 10:49 (CST)

对于弗同地区吴语方言个处理

我提议可以搭英语维基百科同样[1]，拉有明显地域风格个吴语条目讨论页或者条目顶头加上类似于“箇篇文章是用*某地吴语方言*写脱个，呒不社区共识弗应当更改”个标语，可以让大家自由个使用自家个方言写条目，也弗会因为用词两样引发编辑战 クフィ（讨论） 2020年8月30号 (日) 15:52 (CST)

提议蛮好个。MirrorWuu（讨论） 2020年8月30号 (日) 16:08 (CST)

蛮好个，有法行动起来了。 🍀 CLOVER YAN (^_^) (回复莫忘 ping) 2021年2月22号 (一) 10:03 (CST)

过滤器（拿页面移进/移出主名字空间）

迭个过滤器是啥辰光加个，哪恁之前是没看到个？MirrorWuu（讨论） 2020年9月23号 (三) 19:50 (CST)

现在改动过滤器弗会显示勒“近段辰光个改动”里，只好看Special:AbuseFilter/history。设立迭个过滤器个出发点我勒过滤器注解里向说明唻。--Lt2818（讨论） 2020年9月24号 (四) 11:46 (CST)

有重大变化，请在红茶坊提出。弗要自说自话进行操作，也弗要先斩后奏。当然我觉得侬先斩后奏也是屏弗牢咯，总归要支会一声伐。

拿页面移进/移出主名字空间 拨自动确认用户加上去？MirrorWuu（讨论） 2020年9月24号 (四) 19:25 (CST)

现在设置成有“移动弗留重定向”权限个用户好嗷做，弗然会留下跨名字空间个重定向，仍旧需要一笔管理员操作来删落。外加非自动确认用户本生就𪥸移动页面。--Lt2818（讨论） 2020年9月24号 (四) 22:56 (CST)

管理员申请通过条件搭管理员解任条件

考虑到现存个管理员申请搭解任条件含糊弗清，我在此地草拟了下申请管理员通过搭解任管理员通过个条件。MirrorWuu（讨论） 2020年10月2号 (五) 09:30 (CST)

• 1.申请管理员个用户必须达到自动确认用户个条件。
• 2.申请管理员投票时间为1个月。
• 3.申请管理员个有效投票是三个选项：支持、中立搭反对。（被申请用户自家可以投票）
• 4.申请管理员最终总个支持票占总个有效票超过66%（三分之二多数）即通过。
• 5.解任管理员投票时间为1个月。
• 6.解任管理员个有效投票是三个选项：支持、中立搭反对。（被解任用户自家可以投票）
• 7.解任管理员最终总个支持票占总个有效票超过66%（三分之二多数）即通过。

讨论区

(＋)支持 --Leiem（讨论） 2020年10月2号 (五) 10:48 (CST)

(＋)支持城市酸儒文人挖坑（维基假期当中）讨签字 2020年10月2号 (五) 15:17 (CST)

忘记写了对于投票者个要求。傀儡用户禁止投票。另外建议投票者最近要有得编辑。⸺箇條沒簽名個留言是MirrorWuu（討論｜貢獻）勒2020-10-04寫個。

我觉着解任管理员用弗着投票，照现在写勒Wikipedia:管理员里个除权规则处理就好。解任末肯定要去元维基提报，估计还要去箇𡍲继续吵，监管员也弗一定认本地个规则。66%个门槛也是弗对个，真个有半数编者支持解任，就肯定应该除权唻。

申请管理员是本地授权个，好制定明确个通过规则。

• 投票者个门槛应该高一点，弗然𪥸应对从别个维基百科拉票个情况。我建议投票者个门槛是“活跃一个号头以上个吴语编者”。只做维护工作、弗写吴语个，𪥸算吴语编者。
• 管理员候选人个门槛理论上应该比投票者更高。必过有仔上一条规则，顶倒用弗着讲唻，嗷种投票者选出来个人弗会差个。
• “中立”反正弗算票数，弗设立此项。中立个人移步讨论区。
• 66%个通过门槛忒低。中文维基百科是80%通过，70%~80%左右好延长投票期限。倷伲好照搬，也好取个中值，75%为通过。
• 自家应该弗能投票。弗然反对自家当选，支持自家除权，侪是滑稽事体。
• 因为本站人少，作兴会出现呒不人投票个情况。可以加上一条：呒不人投票个辰光，交畀授权者（行政员或监管员）处理。

--Lt2818（讨论） 2020年10月4号 (日) 21:58 (CST)

• 本人觉得像中维一样，解任也是需要投票。弗管是元维基除权还是本地除权，侪是根据本社群个民意。
• 申请管理员通过率提高到75%，本人也是支持个。解任管理员是50%还是66%，本人觉得侪可以。可以拉解任前，拉红茶坊先提出来沟通。
• 管理员申请人员门槛，一个号头里向活跃，也是支持个。我觉得可以设置以申请管理员个辰光看贡献，一个号头内个条目编辑有得多少。零汤团肯定没资格，至少也要有个10趟条目编辑。（数字可议）
• 投票人员个门槛，一个号头里向活跃，也是支持个。一个号头里向至少有得5-10趟条目编辑。（数字可议）
• 中立票弗设置，支持。
• 投票时间可以是一个号头（投票周期可议）。申请搭解任，除脱提出个人投票外，拉投票期间内没人投票，算作作废，关脱。
• 同样个申请，拉关脱之后，需要等2个号头（时间可议）之后再重新申请。

MirrorWuu（讨论） 2020年10月4号 (日) 22:28 (CST)

• 我想解任还是称为讨论，就弗叫投票唻（必过仍旧好用(＋)支持、(－)反对模板）。也弗设立讨论者门槛搭讨论期限，只原则性讲一句“半数编者支持解任就除权”。
• 我弗想用编辑数目作为门槛，毕竟刷编辑数还是蛮便当个。要看贡献个内容，譬方说用一趟编辑写篇中古漢語到吳語個語音流變应该好作为投票者。老早做过贡献、必过近段辰光弗活跃个编者也应该好投票。
• 管理员候选人门槛设立为“活跃两个号头以上个吴语编者”哪亨？（搭现在个规定一样）
• 投票可以再延长一个号头，来勒得票比例处于临界处（75%±5%）或没人投票个情况下底。延长仔仍旧没人投票个情况弗提。
• 中文维基百科个再趟申请间隔是90天，改成一样个好唻。
• 申请行政员搭管理员一样。

箇些确认仔，我再写篇严谨点个文本来公示。--Lt2818（讨论） 2020年10月4号 (日) 23:22 (CST)

我个意见是

• 考虑到本维个活跃程度，能够凑齐4票已经弗得了了。所以3支持1反对，75%就可以算通过了。弗要再搞了。本来是66%，已经提高到了75%。
• 申请搭解任侪要投票。弗投票，蛮较又要讲弗清爽了。当然解任个投票门槛可以搭申请弗一样。目的是防止零汤团贡献朋友来瞎污搞。
• 至于申请者搭投票者门槛。最终也是要量化个。箇么0-100字数积1分，100-500字数积2分，500-1000字数积5分，1000以上积10分。一个号头内贡献积15分个用户有得投票权，那恁？一个号头内贡献积30分有得管理员提名权。（长篇弗是吴语个贡献不计数，小贡献由于积个分数少，箇么就积分）

MirrorWuu（讨论） 2020年10月5号 (一) 09:16 (CST)

• 箇末临界处就弗延长。没人投票延长是本生就有个规则。
• 因为管理员滥用权限搭匿名用户、新用户也有蛮大关系，弗应该设置讨论门槛。变成投票个说话，肯定会拉帮结派，见Wikipedia:權限存廢討論/Hercule搭Wikipedia:權限存廢討論/Stevenliuyi，也弗见有人反对。理想个除权讨论应该搭m:Requests for comment/Sysop (Hercule&Stevenliuyi) malicious action to the wuu wikipedia一样，以讲理而弗是表态为主。
• 原创搭翻译相比，贡献大小完全弗一样；引用别𡍲文字来凑字数也蛮便当。所以积分制弗可行，而且来上增加复杂度。
• 我觉着一位吴语编者就算贡献比较少，自家跑过来投票，也应该是认个。箇比拉票好得多。

--Lt2818（讨论） 2020年10月5号 (一) 10:50 (CST)

投票是最好解决方案，就像中维一样，解任通过投票决定是顶好个，弗能根据主观判断来决定。只要设置投票门槛，搭验明用户排除傀儡号。当然可以拉投票前，先进行讨论，避免走到投票迭一步。

投票门槛积分制肯定比主观判断来得好。如果原创作品，箇么可以让原创贡献（超过500字，积30分直接通过）。总之，弗能根据主观判断，来决定有无资格。

MirrorWuu（讨论） 2020年10月5号 (一) 18:28 (CST)

人个主观判断蛮重要个。譬如来勒法律上，英美法系强调法官个作用，经常性比强调法典个大陆法系更加灵活。完全排除落主观判断只会引发悲剧。像电影《奇爱博士》里向，核武器畀交畀机器控制，啥人也阻止弗落因为意外引发个核战争。

另外一方面，通过讨论、互相妥协形成共识，比投票更加重要。投票仅仅是一种博弈过程，搭拉帮结派搭界。只靠投票解决问题属于多数人暴政，弗管通过比例是50%还是几许。

具体到解任讨论，你只要看看上头个“權限存廢討論”，发起者写两篇讨贼檄文，拉排人过来支持，根本呒不讨论个余地；旁观者也呒不动力去反对，参与讨论个吴语编者忒少，缺乏社区代表性。伊个辰光就需要监管员对讨论做主观判断。照你个规则末，箇两位老早就畀打倒咧啘。

积分制忒复杂，弗管是人力做还是机器统计侪弗便当。而且要保证呒不漏洞，要写非常长个规则。作兴只适合上海落户用用。

我主张拿门槛摆到比较低个地方。而且阿是吴语编者，阿是傀儡、拉票，侪是看一眼就晓得个事体。

--Lt2818（讨论） 2020年10月5号 (一) 22:02 (CST)

我并弗排斥讨论，但是侬看下中维最终个决定还是靠投票个结果，而且设置个75%门槛其实已经相当高。关于积分制，我本来设想就是满足自动确认用户即可。如果讲结果是让侬迭位“法官”来判断，我是绝对弗放心个，情愿相信靠社群个投票结果来决定。MirrorWuu（讨论） 2020年10月5号 (一) 22:14 (CST)

中文维基百科人多，投票有代表性，搭本站弗一样。75%同英文维基百科一样个。结果判断末总归是要人来做个，我弗做末也要别人家来做；你弗放心我也呒不办法。--Lt2818（讨论） 2020年10月5号 (一) 22:23 (CST)

箇么大家妥协下，同意侬个解任讨论观点。贡献积分制用我个想法。“箇么0-100字数积1分，100-500字数积2分，500-1000字数积5分，1000以上积10分。一个号头内贡献积15分个用户有得投票权”。我主要也是为了到辰光，啥人有得投票权，啥人没投票权。又搞弗清爽，引起争议。其他朋友有得宝贵想法，请提出啊。MirrorWuu（讨论） 2020年10月5号 (一) 22:26 (CST)

还弗如用自动确认用户嘚，十笔编辑以上，简单明确。--Lt2818（讨论） 2020年10月5号 (一) 22:31 (CST)

好个呀，投票个辰光需要一个号头内10笔条目编辑。弗管size大小。MirrorWuu（讨论） 2020年10月5号 (一) 22:33 (CST)

箇末伊点细节就确定唻。--Lt2818（讨论） 2020年10月5号 (一) 22:38 (CST)

OK。为了保持方针稳定性。一年内就弗要再提出修改了。要修改一年后再讲。麻烦侬拟下正式版本，让大家望望议议。MirrorWuu（讨论） 2020年10月5号 (一) 22:40 (CST)

“一年内𪥸修改”是弗来事个，别人家要改也𪥸禁止。补充：我设想个是10笔编辑搭参与一个号头以上是分开来要求个，主要想让近期弗活跃个老用户也好投票。--Lt2818（讨论） 2020年10月5号 (一) 22:48 (CST)

一个号头内有得10笔编辑，迭个要求已经非常低了。老用户噶想投票，马上编辑个10笔，也弗是难事情。另外老用户弗能投票，提出自家个宝贵意见即可。让伊硬劲投票，反而显得拉帮结派。我已经有点后悔门槛设了忒低了。MirrorWuu（讨论） 2020年10月5号 (一) 22:55 (CST)

10笔编辑要求是投票开始之前个，之后编辑肯定弗来三。因为限定为“吴语编者”，满足箇门槛个人也弗多。我设想个是老用户如果正好来勒投票开始以后回归，也好投上一票。大多数老用户个水平侪蛮高个。要拉老用户票个说话，寻得着佗里也算本事。--Lt2818（讨论） 2020年10月5号 (一) 23:22 (CST)

“投票开始以后回归”个定义强化下？拉自家投票前，编辑多少笔或者size条目出来？MirrorWuu（讨论） 2020年10月5号 (一) 23:33 (CST)

非常简单：投票前是自动确认用户（注册七天&十笔编辑），再加上“做过一个号头以上个编辑员”，就OK哉。--Lt2818（讨论） 2020年10月5号 (一) 23:36 (CST)

就是讲，没最近一个号头内个编辑要求。老里八早辰光个贡献也可以充数？要弗要让老用户投下迭票前，先贡献几笔畀大家看看？MirrorWuu（讨论） 2020年10月5号 (一) 23:47 (CST)

我个原方案就是，投票用户投下迭票前，需要满足自动确认用户，搭仔一个号头内有得10笔编辑（数字看来可以提高一点）。弗管整个投票是否开始。老用户既然想起来要回归要投票，做点实际行动出来，贡献出来10笔就有得资格。迭个也弗是难事体。MirrorWuu（讨论） 2020年10月5号 (一) 23:57 (CST)

我觉着做过吴语贡献就是资格。门槛也主要来伊𡍲。

举个老用户个例子。譬如香烟君隔仔蛮长辰光纔来一趟，有辰光弗会登录账号。假使佗看见有投票，登录账号来投一票，肯定应该接受。

资格板定要是整个投票开始之前个，搭中文维基百科一样。为仔投票资格去编辑呒不意思个。

因为只讲“自动确认用户”弗讲编辑数，概念上就简单唻。自动确认用户个条件也可以改动。

--Lt2818（讨论） 2020年10月6号 (两) 01:16 (CST)

看乃朝个解任个程序也相当于红茶坊讨论再加投票罢免，投票过50%等于成功。根据以上个讨论，等于确定了申请投票个过线门槛75%。另外对于投票者门槛自动确认用户。MirrorWuu（讨论） 2020年10月6号 (两) 08:58 (CST)

对个。必过罢免朆写投票，搭原生文本个区别是，罢免讨论用弗着确立共识，半数同意代表该管理员已经弗受信任。之前个“權限存廢討論”嗷种异常情况交畀监管员处理。--Lt2818（讨论） 2020年10月6号 (两) 10:34 (CST)

已经改好

见Wikipedia:管理员搭Wikipedia:申请管理员，大家看看哪亨。--Lt2818（讨论） 2020年10月8号 (四) 16:44 (CST)

好个。MirrorWuu（讨论） 2020年10月11号 (日) 12:47 (CST)

删除条目

管理员User:Lt2818哪恁又自说自话开始删除条目了？文章弗经讨论被侬删脱了，啥人晓得迭片条目是不是出烂污，是不是忒短。

请注意侬个迭些操作侪是违反共识方针个作法。请侬积极回归社群讨论，弗要自说自话，自行其事。

另外下趟修改过滤器，请在社群讨论后再操作。弗晓得被侬自说自话修改了几趟了。

MirrorWuu（讨论） 2020年10月23号 (五) 19:48 (CST)

呒不争议个事体是覅共识个，有争议纔要拿出来讨论。譬如文章侪是自说自话写出来个，弗是讨论仔纔建立个。过滤器也一样，呒不一只维基百科是先讨论再建立过滤器个。--Lt2818（讨论） 2020年10月25号 (日) 22:13 (CST)

高关注度搭多语言条目删除注意事项

提议下，对于高关注度搭多语言条目删除，就算条目内容烂污比较严重，但是请挂下模板，方便其他用户进行评估搭修改。

删来删去浪费大家辰光。MirrorWuu（讨论） 2020年10月24号 (六) 21:45 (CST)

侬需要个说话，删脱个内容侪好畀侬。语言版本多，弗是保留拆烂污历史内容个理由，完全好重新建起。--Lt2818（讨论） 2020年10月25号 (日) 22:13 (CST)

欢迎参与吴语维基新闻个孵化工作！

链接incubator:Wn/wuu/Wikinews:封面,我已经拿简单翻译好仔，希望箇个可以为大家开一个好头！我下遭贡献差弗多要到寒假。城市酸儒文人挖坑讨签字 2020年11月1号 (日) 15:20 (CST)

孵化个条件是？--Leiem（讨论） 2020年11月1号 (日) 18:38 (CST)

我弗是发起人。我也弗清爽。城市酸儒文人挖坑讨签字 2020年11月1号 (日) 20:19 (CST)

Incubator就是弄孛相个地方，里向个项目板定要有蛮多人参与、弄得比较像腔仔，纔有机会成为正式网站。老早有类似个讨论：Wikipedia:红茶坊/存档4#在維基孵育場發現測試版吳語維基詞典，我现在觉着MStargazer讲得蛮对。--Lt2818（讨论） 2020年11月4号 (三) 10:55 (CST)

关于快捷路径

提议学习中文维基百科拿“WP”作为“Wikipedia”空间个快捷路径。城市酸儒文人挖坑讨签字 2020年11月1号 (日) 15:20 (CST)

现在就有个。老早特为设置过。--Lt2818（讨论） 2020年11月4号 (三) 10:55 (CST)

建议像中文一样弄个QQ群

维基同IRC交流觉着弗方便，建议像中文一样弄一个QQ群交流！城市酸儒文人挖坑讨签字 2020年11月1号 (日) 20:22 (CST)

链接：加群城市酸儒文人挖坑讨签字 2020年11月13号 (五) 19:29 (CST)

做个微信群吧，QQ无人用了。还有提个建议，在首页上先做个吴语用常用汉字的释义表。我是苏州人（留日），这网站上的一些语言表达我都看不懂。⸺箇條沒簽名個留言是240B:11:1A80:1100:FD4E:8355:F948:DF90（討論）勒2021-04-18寫個。

见Help:用词指南。--Lt2818（讲张） 2021年4月26号 (一) 22:21 (CST)

zh:吳語維基百科提删

又畀提删。。。城市酸儒文人挖坑讨签字 2020年11月29号 (日) 12:51 (CST)

Shizhao个表态可以理解，“和平奮鬥救地球”弗晓得啰里根筋搭错落。我觉着关注度弗是问题（特为介绍维基百科个资料本生弗多），主要还是内容忒少。--Lt2818（讨论） 2020年12月1号 (两) 23:33 (CST)

哪佬讲呢，哈伲家先发展发展，等够大仔箇种事体就弗会多嘞。还有，我觉着就是因为人手弗够，所以更加要发展维基词典同维基导游。城市酸儒文人挖坑讨签字 2020年12月12号 (六) 20:51 (CST)

@Lt2818、城市酸儒文人挖坑：抱歉，不懂吳語，在此用中文發言。

關於這部分，我用 Google 搜尋了很久確實沒看到符合關注度指引的來源（這邊只看到博客、鏡像站、知乎之類的論壇、WMF各項計畫的頁面，除此之外就只是提到了「吳語維基百科」這六個字卻沒給出進一步介紹的。這些都不符合通用關注度標準）。然而，我也不認為這個頁面應該刪除（要不然太可惜了），所以只好退而求其次、採先行移動至Wikipedia空間的方法了（至少沒被刪，讀者看得到，等有相關來源之後要復原也比較方便）。不留重定向也只是因為方針不允許跨名字空間重定向。至於後來User:城市酸儒文人挖坑在條目中加入的那個百度快照我這邊打不開，所以無從判斷，希望能有其他方法看到內文（internet archive?）。考慮到您們對這方面應該會比較熟悉，如果能有人給個符合「有效介紹」標準下的「第三方獨立可靠來源」的話，我可以協助提案覆核。

希望您們能理解，也祝福吳語維基百科能蓬勃發展。- Peacearth（留言） 2020年12月19号 (六) 08:03 (CST)

@和平奮鬥救地球：截图回头发您QQ。城市酸儒文人挖坑讨签字 2020年12月19号 (六) 12:02 (CST)

@和平奮鬥救地球：zh:粵文維基百科、zh:文言文維基百科目前在主名字空間，有「第三方獨立可靠來源」否？是否應以同一標準處理？如果説因為缺少介紹内容而刪除，我沒有話講，因此現在也不用急於恢復。但只有Shizhao和你說缺少關注度，所以點了你們二位的名字，還請見諒。--Lt2818（讨论） 2020年12月19号 (六) 15:02 (CST)

@Lt2818、城市酸儒文人挖坑：剛剛看了城市酸儒文人挖坑在QQ群發給我的兩篇來源截圖。前者是人民網上的「網路時代的百科全書 -- 兼論我國傳統工具書的數字出版實踐」一文，後者則是百度快照上人民網的「維基又到募捐時」一文。這兩篇文章提及吳語維基百科之處，只有在介紹中文維基百科時附帶提及了「中文維基百科已擁有...多個中文方言版本，包括閩南語維基百科、...、吳語維基百科、...」，而未對吳語維基百科本身做出進一步的介紹，故此二來源無法支撐該條目之關注度。反倒是在第一篇文章中，還有簡短的介紹了文言文維基百科，比較它和中文維基百科的用詞差異，個人認為這就足夠構成有效介紹、並證明文言文維基百科符合關注度標準了。至於粵文維基百科的話，像這類報導（先不論該報導之正確性及中立性問題）也應該足以支撐其關注度。- Peacearth（留言） 2020年12月20号 (日) 06:37 (CST)

另外，其實我在想或許會有線下第三方來源（書籍之類的）對吳語維基百科做出介紹，但應該不好找。- Peacearth（留言） 2020年12月20号 (日) 06:40 (CST)

@和平奮鬥救地球：事实是没有，也不可能有，原因User:Lt2818用户页有，而且实不相瞒，我认为吴语可能到我这一代差不多快要失传了（大量本地学生都不会，本人初中，这件事吴语使用者基本上都知道）城市酸儒文人挖坑讨签字 2020年12月23号 (三) 20:04 (CST)

另外，关注度是有的，您可以去大陆的论坛中看看，能搜出不少结果，包括百度贴吧。城市酸儒文人挖坑讨签字 2020年12月23号 (三) 20:07 (CST)

@城市酸儒文人挖坑：維基百科的「關注度」不是這個意思的。請詳閱關注度指引裡面的說明。- Peacearth（留言） 2020年12月24号 (四) 11:02 (CST)

en:Wikipedia:Reliable_sources/Noticeboard#Xinhua_News_Agency

英文三天两头就搞箇些东西，新华社又畀讨论可靠性。。。自家看仔讨论，我弗发表忒多意见。城市酸儒文人挖坑讨签字 2020年12月18号 (五) 21:18 (CST)

关于镜像网站个过滤器

(＋)支持防止出现修改网址个情况。城市酸儒文人挖坑讨签字 2020年12月18号 (五) 22:00 (CST)

呒不用个，箇种过滤器要写明镜像网站网址，侬自家已经用着弗止一种镜像网站唻。--Lt2818（讨论） 2020年12月18号 (五) 22:15 (CST)

zh:WP:MF箇里头个镜像就好。城市酸儒文人挖坑讨签字 2020年12月19号 (六) 12:02 (CST)

箇是镜像网站自家个问题，而且有更简单个解决办法，用弗着建立过滤器搭佗里摡屁股。--Lt2818（讨论） 2020年12月19号 (六) 15:02 (CST)

请自说自话个管理员取消自说自话增加个过滤器

管理员自说自话创建个几个过滤器，禁止用户移动条目从主空间到空间。请立即停止迭种自说自话个行动，恢复原状。另外侬个自说自话删除已经刷屏了，懒得再提了。NewWuuWiki（讨论）

暴开始是因为侬个行为加着迭只过滤器。侬尝试恢复大部分删脱个页面，包括拿移动到用户空间个页面移动转来（来勒中文维基百科，粗劣翻译搭外语文章满足快速删除标准，就是用弗着讨论个）。照理来讲，之前个历史呒不保留个必要，完全好重新建立个。就算要移动转来，也要搭自动建立个重定向加上删除模板，弗好留跨名字空间个重定向。

确实有点情况下底需要跨名字空间移动，譬如帮新用户纠正建立勒主名字空间个用户页。所以只要上头讲个情况弗再有，迭只过滤器就好停用。

刷屏个是我整理分类个操作，因为每只分类个成员侪弗多，所以朆加机器人权限。--Lt2818（讨论） 2021年1月23号 (六) 16:15 (CST)

请管理员恢复User:MirrorWuu/苏丹历史

今朝最后修改个几个版本，被侬删除。请恢复下。NewWuuWiki（讨论） 2021年1月23号 (六) 15:43 (CST)

我看过个，新加个阿末一段已经合并，繁简转换弗彻底（仍旧混杂）就朆应用，拉/勒呒啥差别。（迭种可以来我讨论页留言）--Lt2818（讨论） 2021年1月23号 (六) 16:15 (CST)

麻烦侬看到我创建个低质量条目，可以挂个模板，或者拉此地提出。弗要移来移去，删来删去。浪费大家精力。NewWuuWiki（讨论） 2021年1月23号 (六) 16:20 (CST)

我晓得侬也是属于控制弗咾自家，属于某种洁癖。但是请侬尊重别人个贡献。删除弗是最早个手段，请侬先提出，让整个过程程序合法化。NewWuuWiki（讨论） 2021年1月23号 (六) 16:23 (CST)

拿文章移动成用户子页面就是删除个折衷办法，我跟文言文维基百科个“孔明居士”学个，别𡍲删除规则里向弗会写个。说到侬创建个文章，弗如先看看长篇个“国家历史”系列，读出来通顺就可以哉（弗要用字词替换个办法）。--Lt2818（讨论） 2021年1月23号 (六) 17:12 (CST)

移動請求

国际商用机器公司→国际商业机器公司或国际商业机器：中國大陸分公司嗰翻譯。 Konno Yumeto 2021年2月1号 (一) 14:55 (CST)

mediawiki个吴语化

刚刚看仔一看translatewiki.net，mw个翻译完成度只有6%，而且有些已经翻译个内容还要重新翻译。吴语勒translatewiki上头箇个月只有我一个人城市酸儒文人挖坑讨签字 2021年2月14号 (日) 10:29 (CST)

谢谢侬个贡献。因为呒不翻译个内容会显示简体中文（zh-hans），也好理解，所以之前只拣着点面上个文字翻译落。 Lt2818（讨论） 2021年2月17号 (三) 23:59 (CST)

英文维基百科讨论中国日报个可靠性

链接：en:Wikipedia:Reliable_sources/Noticeboard#RfC:_China_Daily，提出个人是：en:User:Sunrise。欢迎参与箇个讨论。城市酸儒文人挖坑讨签字 2021年2月15号 (一) 10:31 (CST)

关于“侬晓得𠲎”个事体

伐咋来吴语维基编辑，今朝来看看，看见“侬晓得𠲎”栏目，但伐晓得阿拉个“侬晓得𠲎”垃拉阿里评选。阿拉位朋友好告诉我一声，交关谢谢。--KirkLU（讨论） 2021年2月15号 (一) 18:09 (CST)

自家更新Template:Did you know就好，伊𡍲比较随意个，用弗着评选。 Lt2818（讨论） 2021年2月17号 (三) 23:17 (CST)

好个，晓得嘞，谢谢侬！--KirkLU（讨论） 2021年2月19号 (五) 00:05 (CST)

翻译

看仔一看Special:需要的模板，country data开头个模板可以用机器人翻译。城市酸儒文人挖坑讨签字2021年2月19号 (五) 10:31 (CST)

关于新 Vector 皮肤个事体

箇个元维基老早释出新个 Vector 皮肤，不过在吴语维基看来是弗兼容个。顶上个维基球个图标是“WIKIPEDIA”个字样，还弗是写“维基百科 自由个百科全书”，箇个样子弗是很好。考虑到全域应用新 Vector 也是早迟个事体，好是释出适应新 Vector 皮肤个维基球啦。--🍀 CLOVER YAN (^_^) (回复时覅忘ping我) 2021年2月22号 (一) 09:51 (CST)

箇个图像是我截到个截图，不过是深色模式看个，和各个人要么是底色弗一样。 🍀 CLOVER YAN (^_^) (回复时覅忘ping我) 2021年2月22号 (一) 09:57 (CST)

好个，谢谢侬提示，到辰光好请关注字体个编者来设计一只。

但必过我觉着新个Vector皮肤是脑子坏落个设计，显示屏两边个空间浪费落，可以看看已经默认启用个法语站点。弗晓得阿好拿佗回头落啘。 Lt2818（讨论） 2021年2月22号 (一) 12:49 (CST)

呢 OR 呐

表示疑问个语气词“ne”（举例：“今朝吃啥个ne？”）有两种写法：

• 呢。吴语文学传统写法，缺点是搭声旁“尼”个发音弗大一样。
• 呐。吴语维基个早期编者用该只字，声旁“内”符合实际发音，缺点是作兴会搭旁个意思冲突（呐喊、声呐）。

弗晓得大家有啥想法。我自家偏好写“呢”个。--Lt2818（讨论） 2021年3月4号 (四) 12:40 (CST)

我觉着“㖠”搿只字蛮好个，符合发音也弗会得有冲突クフィ（讨论）

声旁“奈”勒上海读ne，苏州读na，无锡末两种侪好读……--Lt2818（讨论） 2021年3月5号 (五) 12:43 (CST)

蔡琰条目删除

蔡琰条目为啥自说自话删脱？弗是吴语？请管理员先生指教下。MirrorWuu（讨论） 2021年3月9号 (两) 20:28 (CST)

侬自家读读好唻，“女儿”“断掉”……“晋辰光”一看就好猜出普通闲话原文是啥个。忒短是朆写个原因。 Lt2818（讨论） 2021年3月9号 (两) 21:11 (CST)

勒-嘞 介-吤 搿能樣子个正字个討論

像是用「勒」就會得幫有眼詞有衝突，如果用「嘞」个閒話就弗會有搿種問題，我看到廣東閒話也有蠻多搿能樣字个（既-嘅，左-咗，地-哋）弗曉得大家覺著哪能 クフィ（讨论） 2021年3月12号 (五) 00:04 (CST)

• “勒”是传统写法（《明清吴语词典》里出现个），我觉着冲突弗大，呒不必要改，就像“哪亨”个第二只字用弗着加口字偏旁一样。
• “吤”专门用作“个啊”合音字（例句：侬板定要实现自家讲过个闲话吤？），别样情况还是用“介”比较常见。
• 美观性也是选择用字辰光好考虑个因素。譬如有编者用“嗰”代替吴语里本生写个“個/个”，必过该只字实在忒丑哉。 Lt2818（讨论） 2021年3月13号 (六) 11:48 (CST)

管理员Lt2818自说自话删除条目模板分类

本日惊现管理员Lt2818又一次未经讨论（正常程序）删除条目模板分类等行为。关于条目短小，曾经某次有过定论，两句话加超过过滤器字数，箇么也弗可能完全追溯到讨论之前个条目，侬挂个“模板”经讨论/修复之后再删除，就箇样吃力吗？

自说自话个定义是什么。就是未经正常程序，根据自己个主观判断，处理条目。相信身为管理员个侬了解维基个五大支柱。MirrorWuu（讲张） 2021年3月26号 (五) 19:54 (CST)

用户在讨论页挂个模板也要删除。真弗晓得啥地方出来个理论，估计是自说自话想出来个。MirrorWuu（讲张） 2021年3月26号 (五) 19:59 (CST)

侬弗要一脚大惊小怪。昨日我编辑个主线是换脱废弃个CSS样式，其他是顺带便个操作。删脱个模板多数是普通闲话，外加先前个编者重复建立个。

为啥弗设立“忒短”个硬性标准？弗希望编者压khah线来写。假使讲一句闲话忒短，想必侬会写两句闲话。像南齐箇种判定为忒短一点问题也呒不。我有辰光也可以扩充忒短个文章；侬三十秒钟搨出来个物事，我起码要用三分钟来改。

我弗认同侬刷低质量文章个行为，必过也弗会多讲（讲仔也呒不用）。同样希望侬理解我让站点更加清爽个努力。管理员工具多数有破坏性（删除、查封咾啥），也是维护站点板定需要个。--Lt2818（讲张） 2021年3月27号 (六) 11:12 (CST)

我能够理解管理员删除一些明显捣蛋个文章。但是弗能够理解侬垃嗨上瘾个情况下，疯狂删除自家弗满意个条目模板分类。迭个辰光，侬完全是失控个，完全是根据自家主观判断进行操作。迭个对于吴语维基百科也是造成重大破坏。弗管是啥个维基百科。删除都要经过讨论，经过共识。先弗讲中维有些无共识也删除个情况，乃朝此地连得讨论都没讨论，就被侬删除。绝对有问题。侬个老多理由：比如维基小，比如没人管。迭些我个人是无法接受。

关于我刷“低质量”条目，我也在努力用吴语来创建条目，当然是借鉴某维个条目。如有问题条目，欢迎指正，能帮忙个直接改掉，弗肯个，请挂模板指出问题，或者到讨论页。MirrorWuu（讲张） 2021年3月27号 (六) 12:49 (CST)

我上头讲过侬个“国家历史”系列侪有问题，也弗见侬改过一笔。侬个文章分类也呒不，图片也呒不，读者弗来寻侬相骂算客气唻。--Lt2818（讲张） 2021年3月27号 (六) 13:20 (CST)

箇么我晓得了，之后我会得修复下国家历史系列条目，弗过需要咾多辰光。MirrorWuu（讲张） 2021年3月27号 (六) 13:40 (CST)

@MirrorWuu：來中維刷條目嘛。--Googol19980904（讲张） 2021年4月4号 (日) 16:36 (CST)

主场已经切换到吴维。MirrorWuu（讲张） 2021年4月4号 (日) 21:15 (CST)

@Googol19980904：弗要从吴语维基百科抢人……--Lt2818（讲张） 2021年4月6号 (两) 16:13 (CST)

无锡闲话“昨天”搭“今天”

无锡闲话里向“昨天”搭“今天”个讲法比较特别，我想照同音原则写成谢头搭今牙头，看看大家意见。“谢”作兴是“昨”字音转，“今牙头”应该搭闽南闲话“今仔日”同源。 Lt2818（讲张） 2021年3月27号 (六) 13:53 (CST)

我觉着“今额头”更加符合意义，畀侬参考。--クフィ（讲张） 2021年3月27号 (六) 17:44 (CST)

“额”是入声，弗大一样。畀出《漢藏語語音和詞彙》里向“今天”个对照，猜想“牙”弗是汉语起源。 Lt2818（讲张） 2021年3月27号 (六) 17:56 (CST)

寻着一种更合适个写法：今阿头。相当于拿《诗经》当中“日居ka月诸ta”（标音是上古汉语，声母受前一只字韵尾影响）还原成本义“日啊月啊”，理解出来更便当。--Lt2818（讲张） 2021年3月28号 (日) 12:06 (CST)

纠正：“谢头”更可能是“昨夜头”合音。 Lt2818（讲张） 2021年4月15号 (四) 23:04 (CST)

里程碑里向个“与附近语言版本差距”挪到统计

User:Leiem你好，我有设想将与附近语言版本差距内容挪到WP:统计，你看是否合适？MirrorWuu（讲张） 2021年4月17号 (六) 11:37 (CST)

赞成。--Leiem（讲张） 2021年4月17号 (六) 12:31 (CST)

羊癫疯自说自话个合并

又见管理员自说自话合并删除条目，然后又来留言。迭种情况属于屡次违反社群规则吗？WuuArticleCreator（讲张） 2021年5月3号 (一) 17:46 (CST)

我也弗想多罗嗦，先讨论再删除是维基百科最最最基本一点。弗要自说自话先行动再讨论。关于提出个小条目情况，社群之前也同意，满足2句话加上超过过滤器规定字数。如果想要新创建个条目需要加上来源，可以新开一个话题进行讨论。WuuArticleCreator（讲张） 2021年5月3号 (一) 17:59 (CST)

两大事体：创建新条目搭管理员删除准则

两大事体讨论下。1.创建新条目是否要加上来源搭分类。2.管理员删除条目是否先讨论再删除。欢迎大家留下意见。

我个意见：1.弗作硬性规定。创建新条目满足2句话加上超过一定字数（超过过滤器字数）。2.管理员需要先讨论（或者说挂个删除合并模板）再进行删除操作。除非是“明显弗是吴语、哈七得八个内容、弗符合格式个符号”。WuuArticleCreator（讲张）

用钱穆先生个闲话讲，制度要搭人事搭配。侬建立个Wikipedia:页面存废讨论根本呒不第三方来讨论过，生搬硬套别个站点制度蛮滑稽个。

侬个文章当中，长度忒短已经算小问题唻。来源弗一定要有，分类、图片希望侬加上，内部链接侪做好，弗要只加一只做做样式。

百度百科有两千万词条，侬个风格作兴更受伊拉欢迎。必过大众欢喜啰里只，也用弗着讲唻。--Lt2818（讲张） 2021年5月3号 (一) 19:13 (CST)

先讨论再删除弗是照搬别样站点，是维基个支柱。管理员自说自话删除文章（先删除再讨论）目前看下来危险性极大。弗能保证管理员是否行使删除权力妥当。WuuArticleCreator（讲张） 2021年5月3号 (一) 19:28 (CST)

看下社群个接受程度，弗会根据侬一人喜好来决定。WuuArticleCreator（讲张） 2021年5月3号 (一) 19:29 (CST)

侬还是听一听我个建议罢。我也猜着侬会来吵，见侬嚇唻。--Lt2818（讲张） 2021年5月3号 (一) 19:39 (CST)

吴语维基百科尽管用户极少，但还是看下大家个意思。WuuArticleCreator（讲张） 2021年5月3号 (一) 19:42 (CST)

建议管理员Lt2818辞任管理员搭行政员

建议管理员User:Lt2818辞任管理员搭行政员。理由如下：自说自话，未经讨论先删除条目分类模板等。（详见删除纪录）。对维基百科认识弗够，回答问题主观性极强，欢喜找理由。游戏维基百科，先实施后讨论。由于先删除，对维基百科个危害性极强，建议辞任该两项要求度极高个用户权限。相信Lt2818能够以普通用户，对吴语维基百科作出自家贡献。MirrorWuu（讲张） 2021年6月11号 (五) 19:24 (CST)

迭位管理员以个人意志为准则，持续破坏吴语维基百科。我将垃7日内提出解任投票。

根本问题已经是老生常谈，自说自话。自说自话未经讨论删除页面。自说自话添加过滤器，连得红茶坊支会一声都没。自说自话去除用户User:城市酸儒文人挖坑个权限。自说自话禁止镜像用户编辑本维基百科。自说自话禁止用户在讨论页添加基础条目模版。自说自话定义啥是吴语啥弗是吴语。总之自说自话操作本维基百科一切规则，属于严重游戏维基百科。

如果按照解任讨论个索话，此种严重违反维基百科精神，根本用弗着投票。但是按规矩还是来趟。MirrorWuu（讲张） 2021年6月16号 (三) 20:33 (CST)

MirrorWuu君个账号畀我封着一个号头，理由已经写勒佗个讨论页哉。伊𡍲指控我个事体侪解释过，弗再细讲。假使有别人家关注，我会再趟说明。

提出解任管理员是呒不问题个。假使多数人觉着我弗再适合有箇只权限，当然应该除权。 Lt2818（讲张） 2021年6月17号 (四) 02:08 (CST)

阻挡镜像站编辑个说明

几个号头之前我写着段代码，囥落镜像站上登录、编辑个界面元素，弗影响访问维基百科本站个用户。乃朝有朋友提出质疑，箇末讲一讲理由。

• 镜像站弗是官方站点，登录编辑有安全问题。镜像站所有者会晓得侬个账号密码，到维基百科连接个完整性、机密性畀打破。旧年头为仔镜像站篡改网址个问题，勒中文维基百科有讨论，我比较认同Antigng个讲法。
• 全域有𪥸用开放代理个方针，镜像站属于开放代理。来中国大陆末代理板定要用个，自然网开一面，必过弗至于放开到允许镜像站个使用。

用镜像站阅读内容呒不限制，望页面源码也是可以个。--Lt2818（讲张） 2021年7月15号 (四) 12:00 (CST)

红茶坊是否还是讨论吴语维基百科事务个地方？

我想问下红茶坊是否还是讨论吴语维基百科日常事务个地方？重大事项平时侪弗讨论，跑到我个讨论页讲了一大堆。

我垃红茶坊提出管理员Lt2818个滥权事项。结果马上被封禁1个月。理由是（建立大量呒不分类个劣质文章，沟通无效；长远勒Wikipedia:红茶坊对本人恶意推定）。

我发现吴语维基百科已经进入管理员专制，限制讨论其行为个地步。该管理员总能寻出对自家有利个理由来说明，却从来弗遵守维基百科个基本游戏规则。标题“吴语维基百科，自由个维基百科”建议更名“吴语维基百科，Lt2818个维基百科”算了。

根据吴语维基百科个现状，“恶意”推定下：管理员创建镜像站，除去一些权限，封禁一些人，设法限制用户来编辑讨论。缺少用户来讨论，进一步无法对于管理员个滥权行为进行监督限制，造成恶性循环。

期待基金会对吴语维基百科迭类失去社群讨论监督功能个小维基进行政策上个解释。⸺箇條沒簽名個留言是MirrorWuu（討論｜貢獻）勒2021-07-17寫個。

红茶坊是讨论维基百科事务个地方。必过侬个行为，我想箇段评论讲得比较准。--Lt2818（讲张） 2021年7月17号 (六) 10:29 (CST)

我认为垃吴语维基百科迭种几乎没讨论个小维基，用户页已经尝试过但没任何作用，应该奈管理员滥权个事体公布出来，滥权一次公布一次。MirrorWuu（讲张） 2021年7月17号 (六) 10:40 (CST)

箇是侬个自由，只要闲话呒不问题就弗碍。 Lt2818（讲张） 2021年7月17号 (六) 10:44 (CST)

有问题没问题个最终解释权还是归侬对伐。MirrorWuu（讲张） 2021年7月17号 (六) 10:51 (CST)

管理员好根据自家个判断采取行动。我也𠊉瞎解释；上趟封锁，有问题个地方侪讲得清清爽爽。 Lt2818（讲张） 2021年7月17号 (六) 11:01 (CST)